Аймгийн Алдарт уяач Г.Гончиг: Хул азарганы маань хурд саараагүй л байна
Өнөөдөр эрхэм хурдан морь сонирхогч та бүхэндээ Завхан аймгийн Алдархаан сумын уугуул, аймгийн Алдарт уяач Гомбожавын Гончигийн хурдан морьтой холбогдсон түүхийг хүргэж байна. Таалан соёрхоно уу?
-Алдарт хэзээнээс хурдан морь уяж сойх болсон юм бэ?
-Би 1931 онд төрсөн хүн. 1941 оноос эхэлж хүний, өөрийн морь унаж байгаад 17-18 хүрээд жаахан овоо болоод ирэхийн алдад өөрөө морь уяж эхэлсэн. Миний уях ч гэж юу байхав дээ. Морины сайнаар л давхиулдаг байсан байлгүй. /инээв/ Тэсийн голоос нэг азарган үрээ авсны үр төлүүд одоо хэр нь сайн давхиж байна. Би ер нь тэр цагаас хойш гаднаас морь авч уяагүй хүн.
-Үе дамжиж олон жил баярлуулж байгаа хурдан азарганыхаа талаар жаахан дэлгэрэнгүй яриач?
-Нэг хүнд “аятайхан үрээ байна уу, мэдэж байгаарай” гэж захисан. “Хоёр адуу өгөөрэй” гэсэн гээд сайхан хул шүдлэн үрээ өгөөд явуулсан байсан. Тэр нь миний хурдан хул азарга шүү дээ. Хул азарга маань үр төл сайтайгаас гадна өөрөө ч хурдан мал. Аймгийн наадамд 5-6 түрүүлсэн байх шүү. Хамгийн сүүлд өөрөө аман хүзүүдээд, төл халтар азарга нь түрүүлж байлаа. Миний хул азарганы төл гурван хул, нэг бүүдэн халтар азарга байсан. Хоёр хул нь сайнгүй, нэг нь уралдах бүрдээ таван нүхний нэгэнд заавал багтдаг хурдан адуу. Нөгөө хоёр нь харин нэг их гавиагүй ээ. Аан бас, хэдэн жилийн өмнө МУ-ын Алдарт уяач Оросоо Нямсүрэн гэдгийн адуунаас Тэс гаралтай нэг гүү авчирч өгсөн. Түүнийг нь хул азаргандаа хураалгаад нэг сайхан цавьдар унага гарснаар нь азарга тавьж, одоо уяж байна.
-Алдартын амжилтын оргил үе хэзээ байсан бэ?
-Өөрөө морь уядаг болоод удаагүй байхдаа аймгийн наадамд нэг цавьдар соёолон түрүүлгэж байлаа. Залуу ч байж дээ. Тэр цагаас хойш хурдан тууртын хайр хишгийг харамгүй хүртэж явна. Азарга сайтай байсан болохоор ямар ч даага уясан түрүүлж, айрагдаад л байдаг юм. 1997 оны наадамд билүү дээ. Хоёр азарга түрүүлж, /нэг нь соёолонд бололтой/ хоёр үрээ айрагдаж байлаа. Тэр миний амжилтын хамгийн оргил үе байсан.
-Амжилт гаргаж алдар цолд хүрэхэд тань зөвлөж, уяаны эрдэм заасан багш тан хэн бэ?
-Богдын голын Шагдар гэж хурдан цагаан морьтой мундаг буурал байлаа. 1940 хэдэн оноос хойш бид нэг голд айл аймаг шахуу явсан улс. Би тэр өвгөнөөр л морь яаж уяхыг заалгасан хүн дээ. Өвгөн нэг их ааштай, хадуурдаг улаан бор соёолон үрээ авчирч Даваагийн хүү Бавуудоржоор унуулдаг байсан юм. Тэр үед одоогийнхтой адил тэжээл гэж байсангүй. Өвөл нь унаж өөхөн таргыг нь буулгаж байгаад хавар эрт ногоо идүүлж морьдоо уядаг хүн. Өвгөн цагаан морио заримдаа бүр их орой барьж уяна. Тэгсэн хэр нь түрүүлээд л байдаг байсан. Тэр цагаан морь аймгийн наадамд завсаргүй долоо түрүүлсэн адуу. Шагдар гуай эргэн тойрныхондоо мэдэх чадахаа харамгүй хуваалдцаг буянтай буурал байж билээ. Тэр хүн л надад “чи хул азарганыхаа хүүхдүүдийг л уяж бай” гэж зөвлөсөн юм шүү дээ. Түүгээр нь явсан алдаагүй л байна. Ер нь морь уяхдаа өвгөний хэлснээр хийхэд ямар ч үед алддаггүй байсан. Мундаг уяач байж билээ, хөөрхий.
-Одоо та тэрхүү эрдмээ үр хүүхдэдээ өвлүүлэн зааж сургаж байгаа биз дээ?
-Өвөө нь зургаан хүү, гурван охинтой. Цэрэнжав, Нямдорж, Отгон гэсэн гурван хүү морь уядаг. Ажил төрөлтэй болохоор бас болдоггүй юм байлгүй дээ. Түүнээс гардаад уявал эд нар амжилт гаргана л даа.
-Зургаан хүүтэй гэхээр хул азарга хурдан байх үед унаач хүүхдээр дутаж байгаагүй л юм байна?
-Тэгэлгүй яахав. Морь түрүүлж, айрагдана гэдэг хүүхэд сайных. Ах нь 28 түрүү, 40-өөд айрагтай хүн.
-Хэдэн онд аймгийн Алдарт уяач цолыг хүртэж байв?
-Сумын Алдарт уяач цолыг 1970 хэдэн онд авсан. Харин аймгийн Алдарт уяач цолыг өгнө лээ. Хул азарганы маань хурд саараагүй, үр төл нь давхиж байгаа юм байна. Хүүхдүүд уяад ааваасаа илүү цолд хүрэх байлгүй дээ.
-Үйл санасанчлан бүтэг. Эрүүл энх байж, урт удаан наслаарай.
-Өдий насалж, үр хүүхдэдээ үзэгдээд явж байна. Сайхан л байна.
А.Мөнх
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна