Гүүний хээлийг эрт тодруулах
А.Тэлмэн
2013 оны 12-р сарын 20 -нд
Гүүний хээлийг аль болохуйц эрт тодруулах явцад аж ахуйд ихээхэн ач холбогдолтой бөгөөд ямар нэгэн механик шалтгаанаар зулбах явдал гаргахгүй. Мөн хээлийн хөгжлийг сайн хангахын тулд хээлтэй гүүг нэлээд эртний хугацаанд ялган тусгаарлах, тэжээл, арчилгаа маллагааны тохирсон нөхцөлийг бий болгох. Хээлийг эрт тодруулах үед сувайрч байгаа гүүг цаг тухайд нь илрүүлэх, тусгай хяналтанд авах, эмчлэх, дараа нь хээлтүүлгийн улиралд багтаан дахин хээлтүүлэгт оруулах, тэгснээрээ гүүний хээл авалтын байдлыг аль болохуйц нэмэгдүүлэх болно. Гүү сувайрсан болохыг эртнээс таньж мэдвэл тэр гүүг тэжээх, арчлан маллах, түүнчлэн ажилд эдлэхэд тохирсон горимыг эртнээс тогтоож болно. Гүүний хээлийг эрт таньж тодруулах явдал хээлтүүлэгчийг нэлээд үр ашигтайгаар ашиглах бололцоо олгоно. Гүүний хээлийг эрт таньж тодорхойлохын тулд гормоноор шинжлэх, үтрээг нь шинжлэх, хошногоор нь суйлж шинжлэх энэ гурван аргыг хэрэглэдэг.
Гүүний хошногоор суйлж хээлийг нь тодруулах аргыг хэрэглэхэд нэн хялбар бөгөөд гүүг азаргаар гишгүүлснээс хойш 30-35 хоногийн дараа тэр гүүний хээлийг алдаа мадаггүй таньж тодруулах боломж олгоно. Тиймээс ч гүүний хошногоор суйлж шинжлэх энэ арга адуу үржүүлэх практик ажиллагаанд хамгийн их дэлгэрсэн юм. Шинжилгээ хийхэд тохиромжтой байлгах ба бэлгийн дотор эрхтнийг барилан үзэхэд хялбар дөхөм байлгахын тулд гүүг шинжилгээнд оруулахаасаа өмнө 8-10 цагийн турш өл хоолгүй уях нь зүйтэй. Шинжилгээ хийхдээ урьдаар гүүг хүлж буюу тусгай хайсан хашилтанд оруулж хөдлөхгүй болгоно. Тэгээд гараа зохих ёсоор ариутган цэвэрлэснийхээ дараа хуруунуудаа шүмбийлгэн хумиж гүүний хошного руу алгуурхнаар шургуулах бөгөөд гараа оруулах үедээ гүүний хошного доторх баасыг аажим гаргана. Дараа нь шинжилнэ. Шинжлэх үедээ хошногыг урж цоолохгүй ба салслаг бүрхүүлийг нь шархлуулахггүйн тулд гараа эрс мундуу хөдөлгөхгүй, болгоомжтой ажиллах нь чухал.
Бэлгийн эрхтнийг шинжлэх ажлыг өндгөвчийг барилан үзэхээс эхлэх нь зүйтэй. Тэгэхдээ аарцгийн хөндийд ойр байрлалтай зүүн өндгөвчийг эхлээд барилан үзэх нь тохиромжтой байдаг. Үүний тулд шинжлэгч хүн гараа гүүний хошного руу оруулан яг урагш нь аажмаар ахиулсаар хэвлийн хөндийд орохын хамт зөв талын ташаан толгойноос урагш, дөрөвдүгээр харцаганы зүүн доор, шандсанд баригдсан өндгөвчийг амархан олно. Тэгээд зүүн өндгөвчөөс доош шандсыг дагуулан гараа буулгаж умайн зүүн угалзанд хүрэх бөгөөд тэр нь хөвч маягтай тахирлан доошилж гэдрэг эргэнэ. Түүнийг дагуулан гараа явуулсаар баруун угалзтайгаа нийлэх газарт нь хүрэх бөгөөд умайн хоёр угалз салаалан гарч байгаа тэр газарт өчүүхэн ац үүснэ. Тэндээс гараа гэдрэг явуулбал умай баригдана. Харин умайн баруун угалзыг дагуулан гараа явуулбал шандсыг дамжин баруун өндгөвчинд хүрэх болно.
Хоёр өндгөвч болон умай, аарцаг ясны урд ирмэгийг гараараа тэмтрэн барилж үзлэг хийх нь зөвхөн сувай гүү ба хоёр сараас илүү удаагүй хээлтэй гүүн дээр бололцоотой байдаг.
Хээлнийхээ таван /түүнээс хойших/ сар дээр яваа гүүний хээлтэй умай хэвлийн хөндий рүү унжиж, умайн далбагар шандас татагдан чангарах бөгөөд шандас нь аарцгийн хөндийн дээд талаас доошоо, хээлтэй умай руу чиглэсэн хоёр бүдүүн, нягт хөвч болж гарт баригддаг. Таван сар болоогүй хээлийг гүүний умай болон угалзны хэмжээ, өндгөвчний байрлалаар мэдэх бөгөөд таван сараас илүү удсан хээлийг уг гүүний умай хэвлийн хөндий дотор ямар байрлалтай байгаа, хээл нь хөдөлж байгаа эсэх, мөн умайн гол артерийн гаргах чимээний байдлаар тодорхойлон мэднэ. 6-7 сар болсон ба түүнээс илүү удсан хээлтэй умай хэвлийн хөндий дотор яг бөөрөн тушаа баригддаг байна.
Сувай гүүний хоёр өндгөвч хэвийн байдалтай, умайн угалз зөөлхөн, уян хавтгардуу хөвч маягтай, уулзварынхаа яг голоор тэгшхэн ацтай байх ба хойд талд байгаа умай нь тэгшхэн хавтгардуу байдалтай байна.
Хээл тогтсоноос хойш 30-35 хоноход өндгөвч нь хэвийн байрлалтай байна. Хээл бүрэлдсэн угалз нэлээд тод мэдэгдэх бөгөөд угаараа, умайн ац орчимд гөвдрүү шигээр тэлж мэдэгдэхүйц булхагнаж /цэлцэгнэж/ байдаг. Хээл бүхий угалз жин ихтэй болох учраас хээлгүй угалзыгаа бодвол ялигүй урагш, доошоо болж байрлалаа өөрчилнө. Үүний улмаас хоёр угалзны уулзварын ац тэгшгүй болдог байна. Хээл тогтоогүй угалз хэзээ ч хавтгайдуу, зөөлөвтөр хөвч маягтай байдаг юм. Умайн хэлбэр өөрчлөгдөж бөөрөнхийлөг болно. Хээл тогтмол умай барилан үзэхэд огт агшдаггүй. Үүгээрээ хээл тогтоогүй умайнаас ялгарна.
Хоёр сар болсон хээлтэй гүүний өндгөвч хэвийн байрлалтай байна. Хээл тогтсон угалз нь төлийн шингэн их хуралдсаны улмаас шилэн лонх шиг бүдүүрч, мэдэгдэхүйцээр булхагнаж байдаг. Хоёр угалзны уулзварын ац улам бүр бүдгэрдэг. Хээл тогтоогүй угалз нь умайн орчимд угаараа бүдүүрч эхэлдэг боловч бас л хавтгайдуу хөвч маягаар гарт баригдана.
Хээл тогтсоноос хойш гурван сар болсны дараа хээл тогтсон угалзны жин нэмэгдсэний улмаас тэр талын өндгөвч ташаан толгойн яснаас урагш, доош ортлоо суудаг юм. Хээл тогтсон угалз, умай нь их хэмжээний /хоёр литр хүртэл/ ус хуралдсаны улмаас тааруухан нэг тарвас шиг хэмжээтэй болно. Булхагнах нь тод мэдэгдэнэ. Хээл тогтоогүй угалзны угийн хэсэг нь умайн орчимд бүдүүрч, хээл тогтсон угалзтайгаа нийлчих мэт болдог. Үүний улмаас хоёр угалзны хоорондох уулзварын ац тэмтрэн үзэхэд мэдэгдэхгүй болно.
Хээл нь дөрвөн сартай болсон үед хээл тогтсон угалз талын өндгөвч улам бүр урагшаа, доош шилжиж аарцаг ясны харалдаа очсон байна. Нөгөө талын өндгөвч түүнээс ялигүй дээр байна. Умайн далбагар шандас, нэн ялангуяа хээл тогтсон угалз талын шандас нягтран чангарч эхэлнэ. Тэр шандасны ар тал нь, аарцгийн хөндий гарт баригдаж байх бөгөөд дээрээс урагшаа, доогуур чиглэн умай руу очсон зөөлөвтөр хоёр хөвч маягтай байдаг юм. Төлийн усны эзэлхүүн /3.5 литр хүртэл/ нэмэгдсэний улмаас умай сунаж хана нь нимгэхэн болно. Гараар барилж үзэхэд шээс ихэд хуралдсан давсаг шиг болсон байна.
Гүүний хээлийг шалгах ажлыг хээлтүүлгийн салбарын мэргэжлийн хүмүүс гүйцэтгэх ёстой бөгөөд тэд гүүний хошногоор суйлж шинжилгээ явуулах аргыг гүйцэд эзэмшсэн байх хэрэгтэй.
Азаргаар сүүлчийн удаа гишгүүлснээс хойш 45-50 хоногийн турш азаргыг ойртуулахгүй байгаа буюу эсхүл хээлтэй гэдэг нь шинжилгээгээр тодорхойлогдсон гүүг хээлтэй гэж тооцно.
Хээлтүүлгийн улирал өнгөрмөгц найм, есдүгээр сард бэлчээрээр сүрэглэн маллаж байгаа гүүнээс бусад хээлтүүлэгт орсон бүх гүүний хээлийг шалгадаг байх ёстой.
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- Даваа, 11:59 минут Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 3-р сарын 19 -нд Архангай аймгийн 100 жилийн ой, хангайн бүсийн ура…
- 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна