Дэлтэй цэнхэрийн хурдыг сэлбэсэн домог мэт амьдралт ах дүүс
Хөвсгөл аймгийн уяачид, хурдан морины зүтгэлтнүүдтэй уулзаж ярилцаж явахад нутгийн адууны чанарыг сайжруулахад үлэмж хувь нэмэр оруулсан гэх хэд хэдэн хүний нэрийг дуурсдаг. Тэдгээрийн тэргүүн эгнээнд ах дүүс Ядамын Нацаг, Зана нарын нэрс хэлэгддэг билээ. Ингээд Хөвсгөл аймгийн морин спортын хөгжилд өөрсдийн хувь нэмрээ оруулсан ах дүүсийн талаарх товч мэдээллийг хүргэе.
Ядамын Нацаг
Хуучины Бүрэн сумын гуравдугаар баг одоогийн Алаг-Эрдэнэ сумын нэгдүгээр багийн харьяат Я.Нацагийн амьдралыг сонссон нэгэн нь үлгэр домог шиг сонирхолтой хэмээн дуу алдах нь бий. Мөрөнгийн хүрээнд шавилж байсан тэрээр нэг удаа сахилга алдаж гэсгүйдээ ороолгуулж. Түүндээ өширхөн аянчин даган хэл сураггүй, гэр орон, нутаг усаа орхин Да хүрээг зорьжээ. Аав нь хоёр ч удаа сургийг нь гаргах гэж яваад чадалгүй ирж хүүтэйгээ уулзаж чадалгүй насан өөд болж. Гэсэн хэдий ч гэрийнхэн нь горьдлого тасралгүй ирсэн очсон бүгдээс асууж сураг ажиг тавьсаар 1940-өөд оны үед “орос“ Самбуу гэдэг хүнээс Хэнтий аймгийн Галшар суманд байна гэх сураг дуулжээ. Тэр дагуу дүү Я.Зана нь Хэнтий явж сурагласаар очтол найр хийж байгаа газарт ороод явчихаж. Хэдий олон жил өнгөрсөн ч олны дунд сууж байх ахыгаа хараад эрхгүй нүдэнд тусч таньсан хэмээдэг.
Ах дүүс дуу шуу болон уулзаж амьдрал ахуйгаа хүүрнэвэл ах нь эрдэм ном сурч тэр нутагт баян айлын хүргэн болсон ч, хань нь бурхан болчихсон хэмээв. Ингээд Нацаг дүүгээ дагаж нутагтаа ирээд дараа жилийнх зун нь адуугаа авахаар тохирч төрсөн дүү Я.Зана, төрөл Ж.Шарав, нутгийн нэг хүнтэй гурвуулаа Хэнтий аймгийн Галшар сумаас олон азарга адууг нь авчирчээ. Ийнхүү нутагтаа ирээд Арбулаг сумын харьяат партизан Дамдинсүрэнгийн Ичинхорлоотой гэр бүл болж охин Бямбаа, хүү Готов нар нь төрсөн байна. Нутагтаа Галшарын удамт хурд авчирсан Я.Нацаг Бүрэн сумын дарга, багийн даргын албыг хашиж байгаад 1954 онд одоогийн Алаг- Эрдэнэ сумын “Хөгжил” нэгдлийг үүсгэж анхны тулгын чулууг тавилцаж байжээ. Аймгийнхаа баяр наадамд аргагүй илүүрхдэг Алаг-Эрдэнэ сумын хурдтай болсон нь ийм түүхтэй ажгуу. Ингээд Я.Нацагийн уяан дээр нь дүүхэлзэн, уралдахаа хүлээн янцгаадаг байсан хурдан хүлгэдийг танилцуулъя.
1. Өндөр биетэй өрөөсөн нүд нь даруу Жооно хээр азарга аймгийнхаа баяр наадамд олон жил дараалан түрүүлсэн бөгөөд даруу нүдэн талаас нь ойртвол алдахгүй өшиглөдөг адуу байсан хэмээдэг.
2. Дааган цагаасаа эхэлж уягдан хавчиг хүртлээ урдаа адуу гаргаж үзээгүй жижигхэн шар хээр морийг “Лонх хээр” хэмээн нэрийддэг байжээ.
Я.Нацаг агсаны нэртэй олон жороо морь байсны нэг бор халзан морь аймагтаа түрүүлж байсан гэдэг.
Ядамын Зана
Я.Зана бага залуугаасаа моринд гарамгай эр чадалтай, адууны тэнгэртэй нэгэн байсан хэмээн нутгийн хөгшчүүл одоо хэр нь хуучилдаг. Ахынхаа заавраар морь уяж адууг нь маллаж байсан тэрээр хожим нь нутаг орондоо алдартай адуучин, уяач болсон юм. Я.Зана 1954 оны намар “Хөгжил” нэгдлийг үүсгэсэн анхны гишүүдийн нэг бөгөөд нийгэмчилсэн адуун сүргийг хүлээн авч тэр цагаас хойш1964 оны намар хүртэл тасралтгүй маллаж нэгдэлчдийн анхдугаар их хуралд төлөөлөгчөөр сонгогдон Алтан гадас одонгоор энгэрээ мялааж байжээ. Ясны адууч хэмээгддэг Я.Зана агсны тухай зарим нэг дурсамжийг хүүрнэхэд: ахынхаа адууг Хэнтий аймгаас тууж авчрах зуураа Сэлэнгэ мөрөн гарсны дараа гурван зүсний морь дутах шиг санагдаж. Учрыг олохоор хөөцөлдтөл хамт явсан нутгийн хүн нь олон адуунаас зүслэхгүй хэмээн санаж арилжсан нь баригдсан гэдэг. Мөн нэгдэлчдийн анхдугаар хуралд явж ирчихээд адуугаа нэг тойрч хараад нэг даага дутуу байна хэмээн зүсээр нь хэлж байсан гэдэг. Тухайн үед тэднийх нэгдлийн 600-гаад адуу хариулдаг байж.
Я.Зана сайн адуучнаас гадна шаггүй уяач. Наадмын өглөө ах Нацагтайгаа айлын уяагаар орж морьдын байдлыг ажаад тааварлаж буйгаа хэлэхэд тэр нь ёсоор болдог байв. 1953 онд Ардын Хувьсгалын 32 жилийн ойгоор Я.Занын хүрэн морь айрагдсан бөгөөд, 1962 онд Ардын Хувьсгалын 41 жилийн ойгоор саарал азарга, саарал морь хоёр нь түрүүлж байжээ. Саарал морь 1956 онд аймгийнхаа наадамд аман хүзүүдэж байсан бөгөөд Бүрэнхаан сумын Дорж гэдэг хүний унаган адуу аж. Хурдан хүлгийн шинж бүрдсэн саарал морийг ах Нацаг нь харж танин дүүдээ авахыг зөвлөж, тэр дагуу Я.Зана нь мөнгөн тоногтой нанжин гахай гөлөмтэй, ясан хяртай харганан бүүрэгтэй эмээл, хоёр атан тэмээгээр авч байжээ.
Нутгийн адуугаа сайжруулахад өөрсдийн хувь нэмрээ оруулсан домог мэт амьдралт ах дүүсийн талаар товч өгүүлбэл ийм буюу.
А.Мөнх
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 2024 оны 3-р сарын 27 -нд Богд хан уулын аймаг байгуулагдсаны 100 жилийн ой,…
- 2024 оны 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна