Умангийн хоёр бор морь
1950-иад оны үед Сүхбаатар аймгийн Байшинтын дивизид Архангай аймгаас Соном гэгч цэргийн албанд татагдан иржээ. Цэргээс халагдаад нутгийн бүсгүйтэй ханилан тэндээ суурьшсан байна. Удалгүй Сономын дүү Уман гэгч сайхан исгэрч, хөөрхөн ноцолдчихдог царайлаг, нуруулаг сэргэлэн залуу ирж ахынхаа хаяаг түшин амьдрах болж. Эхэндээ ч нэгдлийн мал ахуйд ажилладаг ахынхаа ажилд тусалдаг байснаа төдөлгүй сэргэлэн, гүйлгээ ухаан сайтайг нь хүмүүс магтсаар агентын худалдаа хариуцан ажиллах болжээ. Тэгснээ төдөлгүй нутгийн Цэдэн-Иш өвгөнөөс Хөнхөр өвгөний адууны угшилтай хавчиг бор морийг нь 150 төгрөгөөр, мөн алдуул адуунаас өөр нэг бор морь өөрөө шинжин худалдаж авч. Ингээд Уман хүү зүс ижил хөөрхөн хоёр бор морьтой болж, нөгөө хоёр нь жигүүртэй юм шиг дүүлдэг байж л дээ. Ямар сайндаа л шөнийн 23 цагийн үед сумын улаан буланд зодоон хийчихээд, хоёр бортойгоо мордоод зугатаачихаж. Тэгээд үүрээр сумын төвөөс 100-гаад километрийн зайтай Шийрийн цагаан гэдэг газар нэгдлийн үхэр хариулж байсан ахындаа ирээд хоёр морио бууцан дээр хөрвөөлгөөд хазаарыг нь мулталж байхав.
Ийнхүү сум шиг хурдалдаг Умангийн хоёр борын тухай яриа амнаас ам дамжин яригдах болж. Нэг наадмаар Уманг азарганы хөөгүүлд явуулахаар болж, мань эр ч хоёр бор мориныхоо нэгийг нь унаж, нөгөө нь 80-аад азарга хөөгөөд гарч өгч дээ.
Удаа ч үгүй “азарга ирж байна” гэсэн чимээнээр харвал азарганы хөөгүүлд явсан Уман эргүүлж өгсөн азарганаасаа өмнө хоёр борынхоо амтай нь ноцолдчихсон орж ирсэн гэдэг.
Уман морийг их сайхан эдэлдэг. Унасан морь нь эцэж царай зүс алдана гэж байдаггүй, улам л жавхаажаад сэргэлэн цовоо болж хөнгөрдөг байсан хэмээн нутгийн хөгшчүүд одоо ч гэсэн ярьдаг. Хурд таньдаг, түүнийгээ зөв сайхан эдэлдэг Уман хоёр бортойгоо буруу зүйл бишгүй хийсэн ч, сайн үйлс ч чамлахааргүй олныг бүтээсэн гэдэг. Тэрээр хүлгийн сайнаар олон хүний амь аварч газрын мухарт өвдсөн хүн, төрөх гэж буй эмэгтэйд түргэн дуудахаар хоёр бортойгоо гарч давхиад 40-50 км газрыг 40-50 минутанд туулан хэл дуулгаад, ирэхдээ түргэний машины өмнө цогьж явдаг байсан аж. Уманг олон удаа цагдаа нар барьж авч явсан ч сэргэлэн зангийнхаа ачаар хэзээний л суллагдчихсан, хоёр борыгоо унаад агентын худалдаагаа хийгээд айл хотлоороо хэсч явдаг. Нэгэн удаа нэгдлийн адуу дутаан ялд унах гэж байсан найздаа туслахаар хоёр бороороо хөөн зэрлэгшсэн зуугуул адуунаас хэдэн ардаг бүдүүн морьдыг тасдаж тулгаж хөөсөөр авчирч өгч, түүнээсээ болон өөрөө ял хүлээж байсан гэдэг.
1957 оны намар Уман ахдаа “дүү нь одоо нутаг буцмаар байна. Миний хоёр морийг шөнө нь аргамжиж хоноод өдөр нь хазаартай нь адуунд нь тавиад байгаарай. Би агентаа хүлээлгэж өгчихөөд ирнэ” гэж хэлээд явжээ. Ах нь хэлсэн ёсоор нь хоёр бор морийг нь өдөр хазаарлаж адуунд нь тавиад шөнө аргамжиж хоноод байж. Гэтэл Уманг яваад арваад хоносны дараа агентаа тушааж 500 төгрөг дутаад, хэрэгт холбогдчихоод байгаа сураг сонсох нь тэр. Уман шалгуулж бүх хэргээ хүлээчихээд “за би эр хүн байна даа. Мориныхоо эмээлийг авчихаад ирье” гэж гуйгаад хоёр цагдаа дагуулаад гарч. Тэгээд уяан дээр ирмэгц хоёр цагдаагаа тонгорч унагачихаад мордоод зугтаачихаж. Явсаар харуй бүрий болж байхад гэрийнхээ гадаа ирж ахаасаа “буу хаа байна. Уурга хаана байна “гэж асуугаад буу, уургыг нь аваачиж өгөхөд “за ах минь би явлаа. Амьд явбал сураг сонсоно биз” гээд адуугаа байгаа газрыг заалган морджээ. Уманг мордов уу, үгүй юу машинтай цагдаа нар ирж адуу байгаа газрыг заалгаад очтол унаж явсан морь нь адууныхаа захад хөрвөөгөөд зогсож байж.
Уман ч нэг бор морио унаж, нөгөөг нь хөтөлчихсөн жаргах наран зүг тоос татуулан давхиж явж. Түүний хойноос машинтай цагдаа нар хөөсөн ч бууны сум тусахаар газар ч ойртож чадахгүй байсаар харанхуй болгоод алдсан гэдэг. Түүнээс хоёр хоногийн дараа Хэрлэн Баян-Улаан хавьд үхэр тууж явсан өвгөнөөс хоёр бор морьтой, уургаа тагнаагаар нь салгаад баглачихсан өндөр бор залуу голын гарам асуусан гэсэн сураг дуулдаж, түүнээс хойш сураг алдарчээ.
1970-аад оны үед Соном хот ороод ирэхдээ нутгийнхаа итгэлтэй хүмүүст “би дүүтэйгээ уулзсан нэрээ сольчихсон байна лээ. Нутагтаа очоод хоёр бор морио хазаарыг нь мултлаад тавьсан. Очоогүй биз дээ гэж асууж байна лээ” хэмээн ярьсан байдаг. Мөн хожим айлын найран дээр халамцаад “миний дүү сайн мориор нөхөр хийсэн сайн эр явсан хүн шүү. Мэнд л явдаг байгаа даа” хэмээн уйлж суусан гэдэг.
Ийнхүү хүлгийн сайныг таньдаг, хүний сайнтай нөхөрлөдөг Уман хэмээх эрийн тухай манай нутгийнхан домог мэт ам дамжин ярьсаар байдаг юм.
Ж.Цэнд-Очир
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 2024 оны 3-р сарын 27 -нд Богд хан уулын аймаг байгуулагдсаны 100 жилийн ой,…
- 2024 оны 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна