Паралимпийн тамирчдыг үдлээ

 Монголын паралимпийн тамирчдыг үдэх ёслол 2012 оны 08 сарын 15-нд Спортын төв хороон дээр болж өнгөрлөө. Монголчуудын хувьд 2000 оны Сиднейн паралимпийн наадмаас гараагаа эхэлсэн бөгөөд энэ удаагийн наадам дөрөв дэх нь ажээ. “Бээжин 2008” паралимпийн 13-р наадамд монголоос дөрвөн тамирчин оролцсоноос байт харвааны төрөлд Д.Баатаржав анхны алтан медалийг хүртэн Монголын паралимпийн тамирчдын амжилтын буухиаг эхлүүлсэн билээ.
Энэ удаагийн паралимпийн 14-р наадам 2012 оны 08 сарын 29-өөс 09 сарын 09-ны өдрүүдэд зохиогдох бөгөөд олон улсын паралимпийн хорооны 160 гишүүн орны 4200 тамирчид пара спортын 20 төрлөөр 470 багц медалийн төлөө өрсөлдөх ажээ. Манай тамирчдын хувьд пара байт харваа, буудлага, жудо бөх, хөнгөн атлетикийн төрлөөр 6 тамирчин эрхээ авч оролцохоор бэлтгэл сургуулилтаа амжилттай хийжээ. Монгол улсын тугийг МУ-ын гавьяат дасгалжуулагч пара буудлагын шигшээ багийн ахлах дамгалжуулагч Л.Ундралбат барин жагсах юм байна.

Дасгалжуулагчид                                                                                                                                                       Пара буудлагын шигшээ багийн дасгалжуулагч Л.Ундралбат
Пара жүдо бөхийн шигшээ бөхийн шигшээ багийн дасгалжуулагч Ч.Базарсүрэн
Пара байт харвааны шигшээ багийн дасгалжуулагч Н.Даариймаа
Пара хөнгөн атлетикийн шигшээ багийн дасгалжуулагч Б.Батдорж нар ажээ.

Тамирчид                                                                                                                                                                              1 Аажим Мөнхбат Жүдо бөх 60 кг /эр сул хараатай
2 Дашцэрэн Ганбат Жүдо бөх 90 кг /эр/хараагүй
3 Цэдэндаш Лхамсүрэн Хийн гар буу 10 м /эм/  гарын протезтэй
4 Буянжаргал Оюун -Эрдэнэ Байт харваа /эм/ хөлийн протезтэй
5 Бямбасүрэн Жавзмаа Байт харваа /эм/ хөлийн протезтэй
6 Чулуундорж Мөнх-Эрдэнэ Хөнгөн атлетик /жад шидэлт/  нэг хөлний тайралт