“Макс”-ын наадмын хурдан морьдын цуваа

Говь-Алтай аймгийн Баян-Уул сумын уугуул, Монгол улсын Тод  манлай уяачид Д.Ганбаатар, Д.Цэрэнжигмэд нарын үүсгэн байгуулсан Макс групп 20 насны төрсөн өдрийн баяраа  тэмдэглэсэн юм. Ойн баяр наадмын хурдан морины уралдаанд их нас, соёолон насны морьд тоосоо өргөж, хурсан олныг баясгалаа. Энэ удааийн Максийн нэрэмжит уралдаанд өнгөрсөн сард болсон бүсийн наадмуудын айраг түрүүн эзэд болсон хурдан буянгууд тоосоо өргөсөн билээ.Соёолон, Их насны түрүү морьдыг тус бүр 5 сая төгрөг, аман хүзүү 3сая, айргийн гурав 2сая, айргийн дөрөв 1,5 сая, айргийн тав 1,3 сая төгрөгөөр тус тус шагнасан. Мөн 2 насны эхний 21 хүртэл морьдыг барьж тус бүрд нь 1сая төгрөгөөр байлсан юм.

Их нас 162:

1. Завхан аймгийн Цэцэн-Уул сумын уугуул, МУМУяач Б.Содномцогийн хүрэн.
2. Булган аймгийн Гурванбулаг сумын уугуул, "Авзага трейд" ХХК-ийн захирал П.Мэндбаярын хар. Хар морь нь 2011 онд Дүнжингарав болон Булганхангайн хаврын бүсийн уралдаануудад түрүүлж, морь сонирхогчдын танил болсон хурдан ажнай билээ. Уяа сойлгыг нь МУТМУяач Д.Онон болон түүний хүү О.Батбилэг нар тааруулдаг юм.
3. Өмнөговь аймгийн Булган сумын уугуул, МУАУяач Н.Хүрлээгийн яруу саарал. Дорнод аймгийн Цагаан-Овоо сумын унаган саарал морь өнгөрсөн жил Говьшанхын хурд говийн бүсийн уралдаанд түрүүлж, Молор-Эрдэнэ бүсийн уралдаанд айрагдсан хурдан ажнай бөгөөд хэдхэн хоногийн өмнө Төвийн бүсийн даншиг наадамд айрагдаад байсан билээ.
4. Дундговь аймгийн Эрдэнэдалай сумын уугуул Цэмбэлийн сартай хээр. Хээр морь нь 2007 онд шүдлэн насандаа Боржигоны төвийн бүсд айрагдаж байсан хурдан ажнай.
5. Сүхбаатар аймгийн Түмэнцогт сумын уяач С.Гантөмөрийн хонгор. Хонгор морь нь хэдхэн хоногийн өмнө Сүхбаатар аймгийн 70 жилийн ой зүүн бүсийн даншиг наадамд түрүүлсэн ба МУМУяач С.Төмөр-Очир уяж хурдлуулдаг билээ.
6. Төв аймгийн Баян сумын уугуул Ж.Довдонбалжирын хонгор. Сүхбаатар аймгийн Мөнххаан сумын ААУяач "Бураа" хэмээх Ш.Пүрэвжавын унаган хонгор морь нь 2009 оны улсын их баяр наадамд соёолон насандаа аман хүзүүдэж байсан билээ.
7. Булган аймгийн Могод сумын уугуул, Морин эрдэнэ галын ААУяач Н.Базаргарьдын хүрэн. Хүрэн морь нь Сүхбаатар аймгийн угшилтай бөгөөд өнөө хавар Д.Түвдэн манлайн наадамд айрагдаж байсан билээ.
8. Ховд аймгийн Мянгад сумын уяач З.Мэндсайханы хээр. Дааган Цэндээгийн уяж сойдог энэхүү хээр морь нь Сүхбаатар аймгийн Дарьганга сумын унаган адуу бөгөөд АХ-ын 90 жилийн ойд 8-аар хурдалж, Ховд аймгийн 80 жилийн ойд түрүүлсэн бол өнөө жил Дүнжингаравт айргийн дөрөвт хурдалсан билээ.
9. Төв аймгийн Дэлгэрхаан сумын уугуул, Унаган хурд галын уяач Ш.Мөнгөншагайн хээр. Сүхбаатар аймгийн Асгат сумын унаган хээр морь нь өнөө хавар Нийслэлийн хурдан айрагдаж байсан ба АХ-ын 91 жилийн ойд гучин хэдээр хурдлаад төвийн бүсийн даншигт 8-аар давхисан билээ.
10. Дундговь аймгийн Дэрэн сумын уяач Б.Эрдэнэтогтохын ухаа. Ухаа морь нь өөрийн унаган адуу бөгөөд өнгөрсөн жил Дундговь аймгийн 70 жилд айрагдаж байсан хурдан ажнай.
11. Төв аймгийн Баян-Өнжүүл сумын уяач Ж.Батжаргалын хонгор
12. Өвөрхангай аймгийн Богд сумын уяач Жаргалын зээрд халзан. Дорнод аймгийн угшилтай энэхүү халзан морь нь Өвөрхангай аймгийн баяр наадамд гурвантаа түрүүлсэн хурдан ажнай бөгөөд өнөө жил Налайх дүүргийн 90 жилийн ой болон Булган аймгийн урд бүсийн уралдаануудад тус тус айрагдсан билээ. Уяа сойлгыг нь НАУяач Ү.Атарсайхан тааруулдаг юм.
13. Говь-Алтай аймгийн Халиун сумын уяач Гантулгын хүрэн. Хүрэн морины уяа сойлгыг Дааган хэмээх Ц.Цэнд-Аюуш тааруулдаг билээ.
14. Төв аймгийн уяач Баяртнямын хонгор халзан
15. Төв аймгийн Сэргэлэн сумын МУТМУяач Д.Ононгийн шарга
16. Дундговь аймгийн Луус сумын ААУяач С.Шинэбаатарын хээр. Хээр морь нь хэдхэн хоногийн өмнө "Их мандал 2012" говийн бүсийн даншигт айрагдсан билээ.
17. Төв аймгийн Алтанбулаг сумын ААУяач Батхүүгийн хээр
18. Улаанбаатар хотын Налайх дүүрэг, МУТМУяач Г.Сандуйжавын үйзэн бор
19. Дундговь аймгийн уяач Бямбасүхийн хээр
20. Төв аймгийн Зуунмод сумын уяач Алтангэрэлийн хул
21. Өвөрхангай аймгийн Баянгол сумын ААУяач Балдандоржийн хээр

Соёолон: 156
1. Дорнод аймгийн Матад сумын уугуул, Дорнын унаган галын ААУяач Б.Цэндбаатарын зээрд.
2. Говь-Алтай аймгийн Шарга сумын уугуул МУМУяач Х.Бат-Эрдэнийн хонгор. Хонгор үрээ нь АХ-ын 91 жилийн ойд 20-д хурдалж, давхар уяагаар говийн бүсийн "Их мандал 2012" уралдаанд 10-т хурдалсан билээ. Уяа сойлгыг нь МУМУяач Б.Бат-Өлзий тааруулдаг юм.
3. Ховд аймгийн Дарви сумын уугуул МУМУяач Б.Мөнхтөрийн хээр буурал. Буурал үрээ нь Мөнхтөр манлайн хурдан хар бор морины төрсөн дүү бөгөөд өнгөрсөн жилийн түүхт ойд айрагдсан хурдан ажнай билээ.
4. Төв аймгийн Баянцагаан сумын НАУяач Ц.Батболдын уяж хурдлуулсан Завхан аймгийн Яруу сумын уугуул, МУАУяач Д.Дагвадоржийн хул.
5. Төв аймгийн Заамар сумын уяач Энхтайваны сартай хонгор тус тус түрүүлж, айрагдан уясан эзэн, унасан хүүхэд, наадамчин олноо баясгалаа.
6. Өвөрхангай аймгийн Өлзийт сумын уугуул НАУяач "дааган" хэмээх Ц.Цэнд-Аюушийн хээр.
7. Төв аймгийн Баянжаргалан сумын уугуул, Агт-Эрдэнэ галын уяач Б.Саранхүүгийн хонгор халзан. Дорноговь аймгийн Алтанширээ сумын унаган хонгор халзан үрээ нь өнөө хавар Дүнжингаравт айрагдсан хурдан ажнай билээ.
8. Өвөрхангай аймгийн Уянга сумын ААУяач Б.Даваадоржийн загал. Загал үрээ нь өнөө жил Өвөрхангай аймгийн баяр наадамд түрүүлсэн билээ. Уяа сойлгыг нь Өвөрхангай аймгийн Баянгол сумын ААУяач Т.Ганзориг тааруулдаг юм.
9. Сүхбаатар аймгийн Халзан сумын уяач Өлзийсайханы хар. Хар үрээ нь хэдхэн хоногийн өмнө Сүхбаатар аймгийн 70 жилийн ой, зүүн бүсийн даншиг наадамд өнгөнд уралдсаар байгаад хараахан айрагдаж чадаагүй юм.
10. Өвөрхангай аймгийн Хайрхандулаан сумын уяач Э.Эрдэнэчулууны шарга. Шарга үрээ нь Сүхбаатар аймгийн унаган адуу бөгөөд өнгөрсөн жил Дорноговь аймгийн 80 жил зүүн бүсийн даншигт айрагдаж байсан билээ.
11. Сэлэнгэ аймгийн Орхон сумын уяач С.Ганболдын хонгор буурал. Буурал үрээний уяа сойлгыг "дааган" Цэндээ тааруулдаг бөгөөд өнгөрсөн жил улсын их баяр наадамд айргийн дөрвөөр хурдалж, өнөө жил мөн дөрөвт хурдалсан хурдан ажнай. Өнөө жилийн хувьд давхар уяагаар "Их мандал 2012" говийн бүсийн уралдаанд 9-д хурдлаад байсан билээ.
12. Улаанбаатар хотын Хан-Уул дүүргийн уяач Г.Батсайханы хөх бор. Хэнтий аймгийн Цэнхэрмандал сумын унага бор үрээ нь "Их мандал 2012" говийн бүсийн уралдаанд түрүүлсэн хурдан ажнай билээ.
13. Орхон аймгийн Баян-Өндөр сумын уяач Х.Баярсайханы хүрэн халзан
14. Өвөрхангай аймгийн Баянгол сумын уяач Ч.Отгонбаатарын шар хээр
15. Дундговь аймгийн Эрдэнэдалай сумын ААУяач Б.Өнөрбаяны хул
16. Төв аймгийн уяач Өлзийхутагийн хээр
17. Дундговь аймгийн Сайнцагаан сумын уяач О.Болдсүхийн хүрэн. Хүрэн үрээ нь Дорноговь аймгийн Дэлгэрэх сумын ААУяач Ш.Энхтүвшингийн унаган адуу бөгөөд өнгөрсөн жил Дундговь аймгийн 70 жилд айрагдсан билээ.
18. Ховд аймгийн Мянгад сумын уяач З.Мэндсайханы хээр. Хээр үрээний уяа сойлгыг "дааган" Цэндээ тааруулсан.
19. Төв аймгийн Баянцогт сумын уяач С.Ганбаатарын хүрэн
20. Өвөрхангай аймгийн Хужирт сумын уугуул, МУТМУяач Г.Батхүүгийн цавьдар халзан
21. Дундговь аймгийн Цагаандэлгэр сумын уяач М.Алтанхуягийн халтар. Халтар үрээ нь Сүхбаатар аймгийн Онгон сумын уяач Ядамын унаган адуу бөгөөд өнөө хавар Нийслэлийн хурдад айрагдсан хурдан ажнай.