Спортын мастер Б.Батбаатар: Манай эмэгтэйчүүд багаараа түрүүлсэн

-Сайхан наадаж байна уу? Саяхан Өвөрмонголд болсон тэмцээнд манай тамирчид амжилттай явж ирсэн сураг байна?
-Сайхан наадаж байна. Тиймээ.Өвөрмонголын шилийн гол хотод олон улсын уламжлалт харвааны тэмцээн боллоо. Манайхан үүнд маш их амжилттай оролцоод ирсэн.
-Манай харваачид уг тэмцээнд  ямар амжилтуудыг үзүүлсэн бол?
-Энэ тэмцээнд Солонгос, ОХУ, Хятад , Монгол гэсэн дөрвөн орны харваачид цэц мэргээ үзлээ. 30, 50 , 75 метрийн гурван зайнд харвасан л даа. 30, 50 метрийн зайнд нь Баргын “түнх харваа” гэж байдаг. Онохдоо цагирганд оруулдаг бөгөөд  угсраа таван цагираг байдаг юм. Мөн хятадын байтын харваатай адилхан тийм харваатай. Манай эмэгтэйчүүд маш сайн оролцож багаараа түрүүлсэн. 30 метрийн харваанд  манай мэргэн Спортын мастер н.Бүт маань түрүүлж ,алтан медаль авсан. 50 ба 75 метрт нь улсын Мэргэн, Спортын мастер н.Энхтунгалаг түрүүлж алтан медаль авсан. Мөн энэ гурван зайны нийлбэрийн аваргаар эмэгтэйд н.Энхтунгалаг шалгарч гурван  алтан медаль авсан юм. Эрэгтэйгээс 50 метрт нь би 4-р байранд орсон. Эхний найман  байр шалгаруулсан. 75 метрт нь манай спортын мастер н.Зоригоо 8-р байранд орлоо. Эрэгтэйд манайд баг бүрдээгүй дөрвөн  хүн явсан. Уг тэмцээн наадмын өмнөхөн болсон болохоор хүмүүс бэлтгэлээ хйих гээд яваагүй.
-Өнөөдрийн наадамд та хэр харвасан бэ?
-Наадам сайхан болж байна. Өнөөдрийн урианхай харваанд 30 сумнаас 25 оносон амжилттай.