Адууны жинг тусгай хэрэгсэлгүйгээр тодорхойлох аргууд

Адууныхаа жинг тусгай багаж, кило ашиглалгүйгээр хэмжих аргын хэд хэдэн хувилбарыг сонирхуулъя.
Хувилбар1.
М(Амьдын жин)= 6Х(Цээжний тойорог сантиметрээр) – 620 бол. Жишээлэхэд адууны цээжний тойрог (Х) нь 200 см байжээ гэж бодъё. Тэгвэл энэ утгыг томъёонд оруулаад бодвол: 6х 200-620=580.
Тэгэхээр М буюу амьдын жин нь 580 кг.
Хувилбар 2.
М(Амьдын жин)=Х (сантиметрээр авсан цээжний тойрог)К
Энд К нь тусгай коэффицент буюу илтгэлцүүр бөгөөд адууны үүлдэр, тухайн байдлаас хамаараад ялгаатай байна. Тухайлбал:
Хөнгөнд  багтах адуунын үүлдэрт – 2.7
Дунд зэрэгт багтах адууны үүлдэрт – 3.1
Хүндэд багтах адууны үүлдэрт -3.5.
Ингэвэл жишээлэхэд таны адуу дунд зэрэгт багтах биетэй үүлдрийнх бол цээжний тойрог нь 200 см байна.
Томъёонд оруулбал: 200х3.1=620 кг.
Амьдын жин М нь 620 кг.

Мэдээж тусгай жин хэрэглэлгүйгээр тооцож байгаа болохоор зөрөө гарах нь мэдээж. Тэгэхээр бодит байдалд ойртуулахын тулд энэ хоёр утгын дундажыг гаргах нь хамгийн зөв. Ингэвэл (580+620)/2=600
Ингээд адууны жин нь нааш цааш 20 кг хэлбэлзэлтэй гэж үзээд 600 кг болж байна.
Манай хойд хөршид адууны тарга, бэлтгэгдсэн байдал, арьс үс ба туурайн байдлаар нь адууны тэвээрэгийг тодорхойлдог бас нэг арга байдаг. Ингэж ялгахад дөрвөн төрлийн тэвээрэгтэй адуу гарч ирдэг ажээ. Үүнд:
Үйлдвэрийн Заводын. Эд бол морин заводын адуу. Илүүдэл өөхгүй махан таргатай.
Бэлтгэлийн. Эдгээр нь тод ялгарч гарсан булчин шөрмөстэй, ажиллах чадвар өндөр, хангалттай таргатайн дээр сайн бэлтгэгдсэн. Манайхаар бол уяа сойлго нь таарсан гэх юм уу даа.
Ажлын. Эдгээр нь өдөр тутмын ихээхэн хэмжээний ачаалал даахаар сайн бэлтгэгдсэн, дунд зэргийг таргатай.
Үзэсгэлэнгийн. Өөхөн таргатай, булчингийн ялгарал муу. Арьс, үс, туурайн байдал дээд зэргийнх байдаг.