Жокей болно гэдгээ зөнгөөрөө мэдэрсэн хүн

Манайхны хувьд хурдны морийг насанд хүрсэн том хүн унаад уралдана гэдэг байж боломгүй зүйл байдаг. Харин барууныхны хувьд бие жижиг, жин багатай, тусгай сургууль төгсөн туршлагатай болсон насанд хүрэгчдийг уралдуулах нь хамгийн зөв гэдэг. Аль нь зөв болохыг та л мэдэх байх. Ямартаа ч хурдан моины уралдаан гэдгийг ер хараагүй яваад ганц удаа харж дурлаад бүх насаа өгсөн барууны цөөн хүмүүсийн нэг нь Кори Накатани юм.

Тэрээр 1970 оны 10-р сарын 21-нд АНУ-ын Калифорни мужийн Ковина нэртэй газар төржээ. Дээр хэлсэнчлэн багадаа уралдааны морь энэ тэрийг ер сонирхдоггүй байжээ. Ингээд нэгэ уаа Санта Анита нэртэй хотод аавын хамт ирж анх удаа хурдан морины уралдааныг үзээд үнэхээрийн их сэтгэл татагдсан байна. Тэгээд жокей болох боломжийн талаар судалж, гуйж гөвшөсний эцэст Рожер Штейн гэгч нөхөр түүнд морины жүчээ цэвэрлэх, морьдыг цэвэрлэж угаагаад үз гэжээ.

Ингээд Кори гурван өдрийн турш жүчээнд хар ажил хийсний дараа жокей болохоор эргэлт буцалтгүй шийдсэн байна. Урьд нь хурдын морьдын уралдааны талаар юу ч мэддэггүй хүн байсан гэхэд сонин шийдвэр гэхээс өөр юу гэх вэ.

Хүүгийн ийм шийдвэрийг сонссон Штейн нь түүнийг морьдын талаар илүү ихийг олж мэдэхийн тулд ферм дээр дадлага хийхийг зөвлөсөн байна. Манайхаар бол адуучдыг дагаж адуу яаж малладагийг үз гэж. Ингээд жокей нарыг төлөөлөн гэрээ байгуулдаг өөр нэг хүн түүнд өөрийнхөө ферм дээр хар ажилчнаар ажиллахыг зөвшөөрсөн байна. Энэ хугацаанд Кори тэрээр хурдны морьдын талаар малчин хүний мэдэж болохыг суралцаж авчээ.

Улмаар залгуулан Калифорни муцжид байдаг Кастаикийн жокейн сургуулийг дүүргээд Мескикийн морин тойруулагт уралдаж эхэлсэн бөгөөд 1988 он гэхэд анхны уралдаандаа түрүүлж байсан бол 2006 он гэхэ тэрээр Голливуд паркийн уралдаанд түрүүснээр гурван мянган дахь уралдаандаа түрүүлсэн юм. Ингэснээр тэрээр АНУ-ын жокей нарын жагсаалтандт зургаад орох амжилт үзүүлж чадсан үнэхээр гарамгай жокей болохоо харуулсан билээ.

Ийнхүү хурдны морь бүү хэл, морь гэдгийг зурагтаас л харж байсан хүүхэд асар өндөр амжилт гаргаж чадсан бас л содон үзэгдэл. Тэгэхээр хурдын хүлгээ дээдлэн шүтдэг монголчуудын хувьд дэлхийн хэмжээний алдартай жокей гарах бүх л боломж байна гэсэн үг гэвэл нэг их хэтрүүлэг болохгүй байх.

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна