“Арвагар хээр” холбооны гүйцэтгэх захирал Ю.Үнэнбүрэн:”Энэ жил олон адуунаас сонголт хийнэ”

- Монгол морийг Геннист бүртгүүлсэн “Монгол Дерби” уралдааныг зохион байгуулагсдын нэг нь та. Тамирчдын унах морьдыг бэлтгэхдээ  юуг нь илүүтэй анхаардаг вэ?
- Энэ жилийн “Монгол Дерби”-д 1000 орчим адуу оролцоно. Уг уралдаан нь олон улсын хэмжээнд зохион байгуулагддаг ба дэлхийн олон орноос оролцогчид ирж уралддаг тул морьд сонгох ажлыг нилээд онцгойлохгүй бол болохгүй байдаг. Өртөөний айлууд, тэр хавийн уяачид болон малчидтай тогтсон цаг хугацаанд олон улсын малын эмчийн үзлэгт адууг хамруулан, оролцох морьдыг тусгай тэмдэг тавин сонгож авдаг. Энэ нь сайн шаардлага хангаж чадахгүй байгаа. Учир нь жигд ойролцоо морьд сонгон шалгаруулж авахгүй бол эхэнд яваа оролцогчдод арай хөнгөрсөн боломжийн сайн морьд таараад, харин сүүлийн оролцогчдод сонголт хийх боломж бага үлддэг. Үүнээс болоод оролцогчдын хоорондын зай нь холдож байгаа явдал ажиглагдсан. Морьдоо оролцуулж байгаа уяач, малчин хүний морио хэрхэн сайн хөнгөрүүлж уясан байдал нь тухайн оролцогчийн амжилтанд гол нөлөө үзүүлдэг. Тиймээс энэ жилээс аль болох олон айлаас жигд сайн морь сонгож, уяачдын морьдоо сойх явдалд анхаарах нь зүйтэй гэсэн бдолтой байгаа.
- Уралдах хүмүүсийн бэлтгэл сургуулилт нь яаж явагддаг вэ?
 Энэ уралдаанд огт морь унадаггүй хүн оролцохгүй нь мэдээж. Ер нь уралдаанд оролцох бэлтгэлээ сайн базааж хийсэн хүмүүс ирдэг. Харин өөрсдийн морьд дээр хийсэн бэлтгэл сургуулилт, манай морийг унах хоёрын хооронд маш их ялгаа бий. Үүнийг ойлгуулах, Монгол морьтой хэрхэн харьцах, уралдааны үед юуг анхаарах талаар уралдаанаас өмнөх 2-3 хоногт тодорхой ойлголт өгч, бэлтгэл болгон морьдыг унаж, дасгах ажлыг зохион байгуулдаг.
Ярилцсанд баярлалаа
А.Тэлмэн