2011 оны шилдэг унаач Г.Хувьзаяа: Ерөнхийлөгчөөс шагнал авахыг ангийнхан маань харсан байна лээ

-Соёолон айрагдуулсанд баяр хүргэе. Хэдэн жил хурдан морь унаж байгаа вэ?
-Баярлалаа.  Намайг Г.Хувьзаяа гэдэг. Би Матад сумаас ирсэн. Анх долоон настайдаа сумандаа болсон овооны  наадамд хурдан морь унаж байлаа. Тэрнээс хойш зургаан жил хурдан морь унаж байна.
 -Оны шилдэг унаачаар шалгарч байсан гэсэн. Хэдэнд онд вэ?
-2009 онд улсын наадамд соёолон тавлуулж, 2011 онд Говь Шанхын хурд бүсийн наадамд их морь түрүүлгэж, соёолон тавлуулсан.  Тэгээд 2011 оны шилдэг унаач хүүхдээр шалгарсан.
-Ямар наадам хамгийн гоё дурсамж үлдээсэн бэ?

-Молор-Эрдэнийн мялаалга наадам юм уу даа. Манлйа уяач Бат-Эрдэнэ ахын цолны мялаалга наадмаас нэг түрүү, нэг айраг хүртсэн.
 -Нэг наадамд хэдэн насны морь унаж байна вэ?
- Дунджаар 3-4 нас унадаг. Гэхдээ морь унах дуртай учраас тийм хэцүү санагддаггүй ээ.
-Хувьзаяа хурдан морь унахдаа мундаг юм. Харин хичээлдээ ямар  вэ? 
-Би тавдугаар ангид сурдаг. Сурлага тийм муу биш ээ. Заримдаа А, заримдаа В авдаг юм. Багш нар намайг  хурдан морь унадаг гэж  мэддэг болохоор уралдаантай үед хичээлээсээ чөлөө аваад дараа нь нөхдөг. Зуны амралтаар хүүхдүүд амар ч байхад би ид хурдан морио унаж байдаг. Намайг улсын наадамд морь айрагдуулчихаад Ерөнхийлөгчөөс бэлэг авч байгааг манай ангийхан телевизээр харсан байна лээ. Тэгээд яриад л байсан.  
-Ямар мориндоо илүүтэй хайртай вэ?
-Яруу сааралд  илүүтэй хайртай  даа. “Говь-Шанхын хурд”, “Молор-Эрдэнэ”-ийн мялаалга болон  2009 оны улсын баяр наадамд унаж байсан юм. Би ер нь унасан морь болгоноо айрагдаасай гэж хүсдэг.  Унах гэж байгаа морь маань сунгаанд сайн байвал баярлаад наадам хурдан болоосой гээд л хүлээдэг./Инээв/
 -Хувьзаяаг баярлуусан наадам олон байхыг хүсье.
Баярлалаа