Яруу найрагч А.Тулгын шинэхэн бүтээлүүдээс

БОСОО ХЭЭР
Үг.А.Тулга                                                                                            Ая.МУУГЗ, хөгжмийн зохиолч Б.Бямбабаяр
Үйзэн вангийн хошууны даншигт
Үлэмжийн их хурдаар тодорсон
Мянга мянган хүлгийн дундаас
Морин  эрдэнийн гайхамшгийг үзүүлсэн
          Хорин даншигтаа тасран магнайлсан
          Халх Монголын домогт хүлэг ээ хө
          Хотол олно? цэнгээн баясуулсан
          Холдоо гүйцэгдээгүй Арвайхээр ээ хө
Босоо хээрийн нутаг хошуунд  нь
Буянт хүлгийн шүтээн цогцлоостой
Буурал түүхийн зуун зуундаа
Бурхан шиг адислан шүтээстэй 
          Хорин даншигтаа тасран магнайлсан
          Халх Монголын домогт хүлэг ээ хө
          Хотол олноо цэнгээн баясуулсан
          Холдоо гүйцэгдээгүй Арвайхээр ээ хө
Арвайн талын уужим хөндий нь
Арвайхээрийн  туурайн тамгалаастай
Арвай шиг олон адуун сүрэгт нь
Алдарт хээрийн удам залгаастай
          Хорин даншигтаа тасран магнайлсан
          Халх Монголын домогт хүлэг ээ хө
          Хотол олноо цэнгээн баясуулсан
          Холдоо гүйцэгдээгүй Арвайхээр ээ хө
                                                         2012 он  
АРГАГҮЙ ХУРДАН МОНГОЛ АЖНАЙ
Үг.А.Тулга                                                                               Ая.МУУГЗ, хөгжмийн зохиолч Б.Бямбабаяр
Агуу хүчит арслангийн шинжтэй
Арвай шиг нандин цэмцгэр хийцтэй
Агаар зүсэх аадрын аянга шиг
Аргагүй хурдан ажнай минь ээ хө
          Бутны үндсийг булгартал цойлсон
          Бул чулууг бутартал давхисан
          Босоо цагаан хиймориороо далласан
          Буяны тэнгэртэй Арвайхээр ээ хө
Хурц яралзсан явдал давхиатай
Хур их хүч чадалтай
Хурмаст  тэнгэрт халилдах бүргэд шиг
Хосгүй хурдан бурханы хүлэг ээ хө
          Бутны үндсийг булгартал цойлсон
          Бул чулууг бутартал давхисан
          Босоо цагаан хиймориороо далласан
          Буяны тэнгэртэй Арвайхээр ээ хө
Арвайн талын хурдан удамтай
Аргамаг шандаст хүлгийн төгс шинжтэй
Аргай нумнаас тавьсан дэлтэй сум шиг
Алдарт хурдан шандаст хүлэг ээ хө
          Бутны үндсийг булгартал цойлсон
          Бул чулууг бутартал давхисан
          Босоо цагаан хиймориороо далласан
          Буяны тэнгэртэй Арвайхээр ээ хө
                             2012 он