Сумын Алдарт уяач Г.Гомбо: Хурдан туурттай нөхөрлөснийх эр хүний баяр бахдалыг мэдэрч л явна

-Шагнал авахаар нэр дуудагдсан хүмүүсээс таны овог нэр их содон дуулдсан. Гомбын Гомбо гэж?
-Мэдэхгүй хүнд бол сонин дуулдах байх л даа. Манай сумынхан бол учрыг нь мэдэх болохоор гайхаж сүйд болохгүй. Би ахаараа овоглодог юм. Далан хэдэн оноос эхлээд хурдан морь уяж байна. Энэ жил гэхэд л сумынхаа наадамд азарга, даага хоёр түрүүлгэж, 6-7 айраг хүртлээ. Яахав хурдан туурттай нөхөрлөснийх эр хүний баяр бахдалыг мэдэрч л явна.
-Тэр жаргалтай мөчүүдийн нэг нь хэдхэн хоромын өмнө тохиолоо. Сумын Алдарт уяач цолоо гардан авч?
-Тэгэлгүй яахав. Са?хан л байна хөөрхий. Морь мал уяагүй бол хэн надад ийм алдар нэр хайрлахав дээ. Адуу гэдэг амьтан нөхөрлөснөө заавал магнайг нь тэнийлгэдэг буянтан байгаа юм. Сүүлийн үеийн залуус нутгийн адуугаар наадахаасаа илүүтэй зүүн зүгийн адуу шохоорхох болж. Бас ч аргагүй юм уу даа. Тэндээс ирсэн адуу яалт үгүй л хурдан байх юм. Бидний үед бол нутгийн адуугаараа л өмнө хойноо ороод уралддаг байлаа. Хүү маань Сүхбаатар аймгаас хэдэн даага авчирсан нь энэ жил гайгүй сайн давхилаа. Бас ч нэг талаараа адууныхаа цусыг сэлбэх нь зүйтэй байх.
-Нутгийн адуугаар сайхан нааддаг ямар хүмүүс байв даа?
-Олон хүмүүс бий дээ. Тулгамдаад сайн санахгүй байх чинь. Готов, Жамъяанжав гээд сайн адуутай хүмүүс бий бий.
-Танай аймгийн морин спорт уяачдын  холбоо 10 нас хүрэх гэж байна. Холбооны үйл ажиллагааны талаан ямар бодолтой явдаг вэ?
-Их л юм хийдэг юм байна. Бид тэр болгоныг нь мэдэхгүй шүү дээ. Сая хурал дээр сонсож байхад олон чухал зүйлийг амжуулсан байна. Тэрийгээ жирийн бидэндээ хэлэх гээд ирж байгаа нь бүр сайхан байна. Залуучууд цаашдаа улам ихийг хийх байх гэж найдаж байна.
Ярилцсанд баярлалаа. Таныг хурдан морины босоо цагаан хийморь өнөд ивээн болтугай.