"Говьшанхын хурд-7" уралдаанд Д.Отгонлхагвын хүрэн соёолон түрүүллээ

Говийн бүсийн уралдааны хурдан соёолон насны морьд барианд орлоо.

1.Хөвсгөл аймгийн Бүрэнтогтох сумын уугуул аймгийн Алдарт уяач Дугарсүрэнгийн Отгонлхагвын  хүрэн. Хүрэн үрээ Дорнод аймгийн Матад сумын харьяат МУ-ын Манлай уяач Б.Цэндбаатарын унаган адуу. Өнгөрсөн жил Дундговь аймгийн "Мандалын хурд" уралдаанд аман хүзүүдэж, Хулд сумын 100 жилийн ойд түрүүлсэн. Өнөө жил Баянталын ойд аман хүзүүнд хурдалсан. Уяа сойлгыг Тод манлай уяач Б.Лхагва-Очир тааруулдаг.

2.Дундговь аймгийн Эрдэнэдалай сумын харьяат Ундрахбатын Мөнхсүхийн хээр. Хээр үрээ Дорнод аймгийн Цагаан-Овоо сумын харьяат МУ-ын Алдарт уяач Гүнсэнгийн Ганчулууны унаган адуу бөгөөд Төв аймгийн Сэргэлэн сумын 100 жилийн ойд түрүүлээд давхар уяагаар ийнхүү аман хүзүүнд хурдалжээ. Уяа сойлгыг Рэнцэндагвын Мөнхболд. Уралдаанч Өнө-Эрдэнэ. 

3.Төв аймгийн Заамар сумын харьяат МУ-ын Алдарт уяач Чилхаагийн Уламбаярын хүрэн халзан. Халзан үрээ Тод манлай уяач Т.Галбадрахын унаган адуу. Уяа сойлгыг Тод манлай уяач М.Алтан-Очир. 

4.Дорноговь аймгийн Хатанбулаг сумын харьяат Очирбатын Энхмэндийн  хонгор. Дорноговь аймгийн Дэлгэрэх сумын харьяат Лхагвын Очирпүрэвийн унаган адуу. Тод манлай уяач Г.Алтангэрэлийн Сүлд хүрэн азарганы төл. Ес уралдаж, ес айрагдсан. Өнөө жил Дорноговь аймгийн Иххэт, Дэлгэрэх сумдын 100 жилийн ойд тус тус айрагджээ. Уяа сойлгыг МУ-ын Алдарт уяач Адуучийн Нямбаатар. 

5.Хөвсгөл аймгийн Рашаант  сумын харьяат аймгийн Алдарт уяач Ц.Амарсанаагийн халтар тус тус түрүүлж, айрагдлаа. Халтар үрээний уяа сойлгыг МУ-ын Алдарт уяач А.Нямбаатар.  Улсын бүсэд хоёр айрагдсан Арвай халтар азарганы төл. Шүдлэндээ Хотгойдын хурд уралдаанд айргийн гуравт хурдалж байсан. 

Д.Саранзаяа