"Говьшанхын хурд-7" уралдаанд Д.Отгонлхагвын Солонго хүрэн азарга түрүүллээ

Өмнөговь аймгийн Даланзадгад суманд болж буй "Говьшанхын хурд-7" говийн бүсийн уралдааны азарга барианд орлоо. Газар газраас ирсэн 51 хурдан хүлэг шандас шалгаснаас:

1. Хөвсгөл аймгийн Бүрэнтогтох сумын уугуул аймгийн Алдарт уяач Дугарсүрэнгийн Отгонлхагвын Солонго хүрэн. Хэдхэн хоногийн өмнө төрийн наадамд аман хүзүүнд хурдалсан хүрэн азарганы уяа сойлгыг Тод манлай уяач Б.Лхагва-Очир тааруулдаг.

2.Говь-Алтай аймгийн Халиун сумын уугуул Гантөмөрийн Жавхлантөгсийн бор. Хязааландаа баруун бүсийн уралдаанд түрүүлж, өнгөрсөн жил Хэнтий аймгийн 100 жилийн айрагдсан. 

3.Өмнөговь аймгийн Цогтцэций сумын харьяат аймгийн Алдарт уяач Чойжилын Батжаргалын хүрэн халзан. Уяа сойлгыг Тод манлай уяач Н.Хүрлээ. Халзан азарга Дорнод аймгийн харьяат Түмэнзаяагийн унаган адуу.

4. Архангай аймгийн Хайрхан сумын уугуул, Өмнөговь аймгийн Цогтцэций сумын харьяат Цэрэннадмидын Амартүвшингийн шарга. Тод манлай уяач Н.Даш-Өлзийн унаган адуу. Хайрхан сумын баяр наадамд түрүүлээд давхар уяагаар ийнхүү айрагджээ.Шарга азарганы уяа сойлгыг Дундговь аймгийн Адаацаг сумын харьяат Нямжавын Батбаяр тааруулжээ.

5.Улаанбаатар хотын Баянзүрх дүүргийн харьяат Батмагнайн Гантулгын хүрэн халзан. Уяа сойлгыг аймгийн Алдарт уяач Энх-Амгалангийн Болд-Эрдэнэ.

Д.Саранзаяа