“Өмнөговь-2012” бүсийн уралдаанд Б.Батаагийн бор соёолон түрүүллээ

А.Тэлмэн
2012 оны 3-р сарын 11 -нд

“Өмнөговь-2012” бүсийн уралдаанд Б.Батаагийн бор соёолон түрүүллээ

Өмнөговь аймгийн Даланзадгад хотноо болж буй хаврын бүсийн уралдааны соёолон барианы зурхайд орлоо. Хийморь даллан хурдалсан газар газрын 132 хурдан соёолонгоос Төв аймгийн Жаргалант сумын уугуул Б.Батаагийн бор түрүүлж, тод магнай торгон жолоогоо өргүүлсэн бол аман хүзүүнд Говь-Алтай аймгийн Баян-Уул сумын уугуул, Тод манлай уяач Д.Ганбаатарын шарга хурдалжээ.

Харин айргийн гуравт Төв аймгийн Баянцагаан сумын уугуул Энхсайханы цавьдар, айргийн дөрөвт Өмнөговь аймгийн Хүрмэн сумын уугуул Эрдэнэбулганы хээр, айргийн тавд Говь-Алтай аймаг Баян-Уул сумын уугуул, Тод манлай уяач Д Цэрэнжигмэдийн халтар тус тус хурдалжээ.

Бид тун удахгүй түрүүлж айрагдсан морьдын талаарх дэлгэрэнгүй мэдээллийг хүргэх болно.

А.Тэлмэн

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна