Төвийн бүсийн эхний өдрийн уралдаанд түрүүлж, айрагдсан хүлгүүд

Богд хан уулын аймаг буюу одоогийн Төв аймаг үүсч байгуулдагдсаны түүхт 100 жилийн ойн баяр наадмын эхний өдөр гурван насны морьд шандас шалган уралдсан. Тус уралдаануудад түрүүлж, айрагдсан хүлгүүд бол:

Хязаалан-251:

1.Төв аймгийн Баянцагаан сумын уугуул, МУ-ын Алдарт уяач Баярмагнайн Ганбатын бор. Уяа сойлгыг Тод манлай уяач Т.Ихбаяр. Хэдхэн хоногийн өмнө АХ-ын 102 жилийн ойд айргийн тавд хурдалсан.  

2. Говь-Алтай аймгийн Эрдэнэ сумын уугуул Жигмэдийн Дэмбэрэлсайханы бор. Уяа сойлгыг аймгийн Алдарт уяач Нацагдоржийн Мөнх-Эрдэнэ. АХ-ын 102 жилийн ойд айргийн дөрөвт хурдалсан.

3. Төв аймгийн Бүрэн сумын уугуул МУ-ын Алдарт уяач Хүрэлбаатарын Улам-Өрнөхийн халтар. Уяа сойлгыг Тод манлай уяач С.Эрдэнэбат. Өнгөрсөн жил Хөвсгөл аймагт болсон хангайн бүсийн уралдаанд түрүүлсэн.

4. Өвөрхангай аймгийн Хархорин сумын уугуул Алтанхуягийн хээр. Өнгөрсөн жил улсад тавлаж, өнөө жил зургаалсан.

5. Өвөрхангай аймгийн Арвайхээр сумын харьяат аймгийн Алдарт уяач Сэнгээгийн Бямбасүрэнгийн зээрд. Уяа сойлгыг МУ-ын Манлай уяач Батмөнхийн Батхүү.

Шүдлэн 182:

1. Увс аймгийн Тэс сумын уугуул Мятавын Хүрэлбаатарын зээрд халзан.Уяа сойлгыг  МУ-ын Алдарт уяач М.Цэрэнжав.

2. Дундговь аймгийн Хулд сумын харьяат Мөнхбатын Лхагвасүрэнгийн хээр.

3. Говь-Алтай аймгийн Төгрөг сумын уугуул Бямбажавын Пүрэвжаргалын хээр буурал.

4. Дундговь аймгийн Хулд сумын уугуул МУ-ын Алдарт уяач С.Мөнхбатын сартай хээр. Өнгөрсөн жил говийн бүсийн уралдаанд аман хүзүүнд хурдалсан.

5. УБ хотын Налайх дүүргийн харьяат Жигжидсүрэнгийн Баттулгын хээр. Хэдхэн хоногийн өмнө Баяндэлгэр сумын 100 жилийн ойд түрүүлсэн.

Сонгомол дунд-103:

1. Төв аймгийн Баянцогт сумын харьяат Нүрдэвийн Мөнхбаярын Тод халтар

2. Төв аймгийн Сэргэлэн сумын уугуул МУ-ын Манлай уяач Ононгийн Батболдын хээр

3. Төв аймгийн Лүн сумын уугуул Хүрэлбаатарын Ариунболдын хүрэн халзан.

4.Дундговь аймгийн Луус сумын харьяат Чүлтэмийн Цогтбаярын халиун.

5. Хөвсгөл аймгийн Шинэ-Идэр сумын уугуул Долгоржавых Баттулгын хул. 

Б.Хастөр