Ч.Болд-Эрдэнийн Даян хээр

Завхан аймгийн Алдархаан сумын уугуул Чинбатын Болд-Эрдэнийн хээр азарга АХ-ын 100, 101 жилийн ой, Үндэсний их баяр цэнгэл наадамд долоод хурдалж, давхар уяагаар “Их хурд-9” уралдаанд айрагдсан билээ. 2021 онд Сэлэнгэ аймагт болсон төвийн бүсийн уралдаанд айргийн гуравт хурдлан, эзэн уяачдаа төрийн зарлигт наадмын анхны айргийг авчирсан хээр азаргыг Даян хэмээн /нутгийн тахилгат хайрханаар/ нэрийддэг агаад Ч.Болд-Эрдэнэ уяачийн хувьд 2019 оноос эхлэн морь уяж буй “Уралдаанч” галын гишүүн юм.Тэрээр одоогийн байдлаар улсын чанартай уралдаанаас гурван айраг хүртээд байна.

Ингээд та бүхэнд Даян хээрийн удам угшлыг танилцуулъя.

Сүхбаатар аймгийн Халзан сумын харьяат, аймгийн Алдарт уяач Баярын Баттөрийн унаган адуу.

УДАМ, УГШИЛ:

Эцэг: Б.Баттөрийн Бархат дуудлагат халтар азарга

Эх: Уулбаянгийн улаан адууны угшилтай Жаргалсайханы Анхбаярын бор гүү

Амжилтын товчоон:

2019 онд шүдлэн

-Эрдэнэ овооны тахилга наадамд түрүү

2020 онд хязаалан: 

-Өнжсөн

2021 онд соёолон:

-Сэлэнгэ аймагт болсон төвийн бүсийн уралдаанд айргийн гурав

2022 онд хавчиг:

-АХ-ын 100, 101 жилийн ой, Үндэсний их баяр цэнгэл наадамд долоо

-“Их хурд-9” уралдаанд айргийн тавд 

тус тус хурдалжээ.

Б.Хастөр