Тэнхээт хурдан Титэм халзан

Сэтгүүлч
2023 оны 6-р сарын 10 -нд

Одоогоос гурван жилийн өмнө буюу АХ-ын 98 жилийн ойн баяр наадмын хурдан шүдлэнгийн уралдаан дуулиантайхан болж байв. Энэхүү уралдаанд шандас шалгасан 236 үрээг өнгөлж явсан халзан шүдлэн үзэгчдийн үзүүрт ирж хадууран, хүүхдээ унагааж түрүүгээ алдах тэр мөчид моринд хайртай монгол түмэн хотлоороо өндөлзөж асан. Тийнхүү дуулиантайхан амжилтын гараагаа эхэлсэн халзан үрээ өдгөө Титэм халзан нэртэй азарга болж, Өвөрхангай аймгийн Хужирт сумын уугуул, Пүрэвийн Батсайханы нэр дээр уралдах болсон билээ. Дуулиант халзан одоогоор төрийн зарлигт наадмаас гурван түрүү, хоёр айраг хүртээд байна. 

Удам, угшил:
Эцэг: Дорнод аймгийн Цагаан-Овоо сумын харьяат Цэрэндашийн Жаргалсайханы Матрик дуудлагатай англи хүрэн халзан азарга
Эх: Дорноговь аймгийн Дэлгэрэх сумын уугуул аймгийн Алдарт уяач Шаравын Энхтүвшингийн халзан гүү.

АМЖИЛТЫН ТОВЧООН:
2018 онд даага:
-Төв аймгийн Угтаалцайдам сумын Сонин хангай хайрханы тахилга наадамд түрүү
-Булган аймгийн 80 жилийн ой, хангайн бүсийн уралдаанд зургаа

2019 онд шүдлэн:
-АХ-ын 98 жилийн ой, Үндэсний их баяр цэнгэл наадамд айргийн гурав
-Ламын Гэгээн Лувсанданзанжанцаны мэлмий гийсний 380 жилийн ой бүсийн уралдаанд түрүү
2020 онд хязаалан:
-Өнжсөн
2021 онд соёолон:
-Дорнод аймагт болсон зүүн бүсийн уралдаанд түрүү

2022 онд хавчиг:
-АХ-ын 100, 101 жилийн ой, Үндэсний их баяр цэнгэл наадамд айргийн гурав
-Шигшмэл морьдын “Их хурд-9” уралдаанд түрүү

Б.Хастөр


1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.