ТОД МАГНАЙ ПОДКАСТ №104 :УЯАЧ Г.ДАВААДАЛАЙ

Сэтгүүлч
2023 оны 1-р сарын 12 -нд

... Тэр замын хүн хоргоддог Завхан нутгийнх. Шандаст хурдан морь унаад салхи татуулан давхихын сайханд багаас дурласан тул хотод ирээд ч сэтгэл нь тогтохгүй, зун болмогц уугуул нутгаа тэмцдэг байв.

Морь унах гэж л төрсөн мэт хүүгийнхээ хүслийг мэдэрсэн аав нь "Тэр хол яваад яахав. Энүүгээр морийг нь уначих хүн олдох байлгүй" гэж хэлээд зар тавьчихаж.
Зурагтаар гардаг урсдаг зарыг улсын Тод манлай уяач Лхагвын Цандэлэг олж хараад утас цохиж. Үүгээр түүний уралдаанч болох эхлэл тавигдсан.
Барааг нь харсан улс сүсэглэх залбирдаг бахдам хурдан хүлэг Соёмбо хүрэн азаргыг унаж Хотгойдын хурдад түрүүлгэн, Их хурдад айрагдуулав.
Бас болоогүй Цэнддоржийн Амарсайханы хүрэн морийг унаж улсад айрагдуулаад, бүсэд түрүүлгэв. Заамарт болсон тэр бүсийн уралдаанд Ганбатын Даваадалай хүү алдарт Гуулин зээрд азаргыг унаж мөн түрүүлгэсэн байдаг. Өөрөөр хэлбэл азарга, их насны морины түрүүг атгахан чинээ бор хүү хүртэж, уясан уяачаа, хурсан олноо цэнгүүлэв.
Энэ бол түүний уралдаанчийн хувьд үзүүлсэн амжилтууд. Харин морь уяад гаргасан амжилтыг мэдэхийг хүсч байна уу? Тэгвэл ирэх долоо даваа гарагт Тод магнай пэйждээ зочлоорой.
Төрийн наадамд соёолон түрүүлгэж, хангайн бүсэд их насны морь харагдах бараагүй түрүүлгэсэн залуу уяач алдарт Богд хээр, Шоу халзан зэрэг энэ цагийн эгэлгүй хурдан хүлгүүдийн хөлсийг хусч байсан хувьтай нэгэн юм.
Тэр ч бүү хэл төрийн наадамд хоёр түрүүлсэн Богд хээр азарга түүний нэртэй хүлэг байсан. Энэ мэтчилэн сонихон түүх сонсохыг хүсвэл

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна