Хөвсгөл аймгийн шилдэг уяачид тодорчээ

Хөвсгөл аймгийн "Дэлтэй цэнхэр" МСУХ шинэ жилийн баярын цэнгүүнээ хийж, улиран одогч 2022 оны шилдгүүдээ тодруулжээ. Хоймор нутгийн 2022 оны шилдэг уяачаар: 

1.Хөвсгөл аймгийн Цэцэрлэг сумын уугуул Монгол Улсын Манлай уяач Гончигбатын Батболд.  Үндэсний их баяр наадам, Ардын Хувьсгалын түүхт 100,101 жилийн ойд Хүннү халтар азаргаа айргийн тавд хурдлуулж, Дундговь аймгийн түүхт 80 жилийн ой, говийн бүсийн хурдан морины уралдаанд Сүлд хул азаргаа түрүүлгэн, эрлийз дунд, бага наснаас айраг хүртсэн амжилтаараа. 

2. Хөвсгөл аймгийн Галт сумын уугуул,  аймгийн Алдарт уяач Бүдийн Отгонсэлэнгэ. Үндэсний их баяр наадам, Ардын Хувьсгалын түүхт 100,101 жилийн ойд саарал соёолонгоо түрүү магнайд хурдлуулж, Хөвсгөл аймгийн 90,91 жилийн ой, хангайн бүсийн хурдан морины уралдаанд их насны хээр морио түрүү магнайд хурдлуулан, хүрэн халзан шүдлэн айргийн тавд давхиулсан амжилтаараа.

3. Хөвсгөл аймгийн Галт сумын уугуул, аймгийн Алдарт уяач Намжилдоржийн Нацагдорж. Үндэсний их баяр наадам, Ардын Хувьсгалын түүхт 100,101 жилийн ойд хээр халзан соёолонгоо аман хүзүүнд хурдлуулж, давхар уяагаар Хөвсгөл аймгийн 90,91 жилийн ой хангайн бүсийн уралдаанд  айргийн гуравт давхиулсан. Мөн Хөвсгөл аймгийн 90,91 жилийн ой, хангайн бүсийн хурдан морины уралдаанд  их насны буурал морио аман хүзүүнд хурдлуулсан амжилтаараа.

4. Хөвсгөл аймгийн Рашаант сумын уугуул, аймгийн Алдарт уяач Цэрэндоржийн Амарсанаа. Үндэсний их баяр наадам, Ардын Хувьсгалын түүхт 100,101 жилийн ойн сонгомол дунд насны ангилалд сартай хүрэн үрээгээ айргийн дөрөвт хурдлуулж, давхар уяагаар  Хөвсгөл аймгийн 90,91 жилийн ой, хангайн бүсийн  уралдаанд  түрүүлгэсэн. Мөн хангайн бүсийн уралдааны  сонгомол дээд насны ангилалд  бор морио аман хүзүүнд,  хээр азаргаа айргийн гуравт, халтар шүдлэнгээ айргийн гуравт тус тус хурдлуулсан амжилтаараа  шилдэг уяачаар тодорчээ.  

Т.Наранхүү