Зүүн бүсэд эхний 10-т хурдалсан соёолонгууд

Сүхбаатар аймгийн 80 жилийн ой, зүүн бүсийн уралдааны соёолон насанд эхний 10-т хурдалсан хүлгүүдийг уншигч танд танилцуулъя.

Соёолон

1.Сүхбаатар аймгийн Наран сумын уугуул УИХ-ын гишүүн Жамбын Батсуурийн хонгор. Уяа сойлгыг Болдын Батцэнгэл. Уралдаанч 13 настай Гантуяагийн Бат-Эрдэнэ.

2. Хэнтий аймгийн Баянхутаг сумын харьяат аймгийн Алдарт уяач Цогийн Баатарболдын Тод хээр. Аймгийн чанартай наадамд хоёр айрагдсан хээр соёолонгийн уяа сойлгыг Ц.Баатарболд уяач өөрөө тааруулсан бөгөөд 10 настай Н.Мөнхбаяр хүү унаж хурдлуулжээ.

3. Сүхбаатар аймгийн Халзан сумын харьяат Цэндсүрэнгийн Ганхуягийн хар. Уралдаанч А.Мөнгөнсүх.

4. Сүхбаатар аймгийн Баруун-Урт сумын харьяат Дүүрэнбилэгийн Одхүүгийн халтар.  Сумын чанартай уралдаанд нэг айрагдсан халтар соёолонгийн уяа сойлгыг МУ-ын Алдарт уяач Р.Мөнхтөрийн хүү Боорчи тааруулж, 11 настай Сүрэнгийн Түвшинбаяр хүү унаж хурдлуулжээ.

5. Завхан аймгийн Шилүүстэй сумын уугуул Тэрбишийн Харцагын буган. Уяа сойлгыг Уртнасангийн  Алтантүлхүүр. Уралдаанч 12 настай М.Азбаяр.  

6. Сүхбаатар аймгийн Баяндэлгэр сумын харьяат сумын Алдарт уяач Будын Эрдэнэтулгын хонгор. Жавхлант шаргад айрагдсан хонгор үрээний сойлгыг Б.Эрдэнэтулга уяач өөрөө тааруулдаг бөгөөд 10 настай А.Дэлгэрмөрөн хүү унаж хурдлуулжээ.  

7. Сүхбаатар аймгийн Баруун-Урт сумын харьяат Лхагвадоржийн Анхбаатарын бор. Уяа сойлгыг МУ-ын Алдарт уяач Мөнхбатын Цэрэнжав. Уралдаанч 11 настай Баатарзоригтын Баярбат.

8. Булган аймгийн Хутаг-Өндөр сумын харьяат, аймгийн Алдарт уяач Өлзийтийн Ганбатын  сартай хээр. Уяа сойлгыг аймгийн Алдарт уяач Уртнасангийн Тамир. Уралдаанч 10 настай Ганбатын Энх-Эрдэнэ.

9. Архангай аймгийн Төвшрүүлэх сумын уугуул, Тод манлай уяач Өлзийхутагийн Пүрэвбаатарын хар. 

10. Завхан аймгийн Ургамал сумын уугуул Очирбал Энхбаярын бор. Уралдаанч 12 настай Цогтбаатарын Төгстөгөлдөр.

Б.Хастөр