Өвөрхангайн бүсэд эхний 10-т хурдалсан их насны морьд

Сэтгүүлч
8-р сарын 29 -нд

Өвөрхангай аймгийн 90, 91 жилийн ой, хангайн бүсийн уралдаанд эхний 10-т хурдалсан их насны морьдыг танилцуулж байна. 

Их нас:

1.Төв аймгийн Заамар сумын уугуул аймгийн Алдарт уяач Жигжидсүрэнгийн Түмэн-Өлзийн ухаа. Өнгөрсөн жил Сэлэнгийн бүсэд өнгөлж яваад хадуурсан. Өнөө жил улсын наадамд 21-д давхиад, давхар уяагаар хангайн бүсэд түрүүлж байгаа нь энэ.  Энэ жил найман настай. Уяа сойлгыг аймгийн Алдарт уяач Мондооны Мөнхбаяр тааруулж,  есөн настай Мөнхзоригийн Батмөнх хүү унаж хурдлуулжээ.


2.Өвөрхангай аймгийн Богд сумын уугуул, залуу уяач Алтангэрэлийн Нямзоригийн зээрд халзан. Уяа сойлгыг Тод манлай уяач Эрдэнэбатын Эрдэнэчулуун. Уралдаанч Ч.Тэнгис.



3.Говь-Алтай аймгийн Буян-Уул сумын уугуул, Тод манлай уяач Дагвадоржийн Ганбаатарын хүрэн. Уяа сойлгыг Манлай уяач Пүрэвдоржийн Алтансүх. Уралдаанч Алтансүх.


4.Завхан аймгийн Цагаанчулуут сумын уугуул, МУ-ын Манлай уяач Балдоржийн Баярдоржийн хүрэн. Уяа сойлгыг МУ-ын Алдарт уяач Эрдэнэбатын Баянзул. Уралдаанч Баттулга.


5.Өвөрхангай аймгийн Хархорин сумын уугуул, МУ-ын Манлай уяач Занабазарын Батбаярын саарал. Уяа сойлгыг Тод манлай уяач Түмэндэлгэрийн Ихбаяр. Уралдаанч Б.Мөнхсүлд.

6. Говь-Алтай аймгийн Буян-Уул сумын уугуул, Тод манлай уяач Дагвадоржийн Ганбаатарын зээрд. Уяа сойлгыг Манлай уяач Пүрэвдоржийн Алтансүх. Уралдаанч Э.Бат.

7. Архангай аймгийн Өндөр-Улаан сумын харьяат, аймгийн Алдарт уяач Очирын Ванданцэрэнгийн бор хээр. Шүдлэндээ  улсын баяр наадамд 20-д давхисан. Тэр жилээ бага наадмуудад ес мордож, найм түрүүлсэн хурдан хүлэг. Хязааландаа аймгийнхаа баяр наадамд түрүүлээд, соёолондоо улсын 100 жилд тоосоо өргөхөөр Багахангайд уягдсан ч наадам цуцлагдаад уралдаагүй. Харин өнөө жил хавчиг морь Өгийнуур сумын 70 жилийн ой болон хоёр овооны наадамд түрүүлээд, гурван бага наадамд айрагджээ. Өөрөөр хэлбэл хангайн бүсийн уралдаан хээр морины хувьд долоо дахь  наадам байсан бөгөөд жаахан дутаж долоод хурдалсан байна. Хээр морины уяа сойлгыг О.Ванданцэрэн уяач өөрөө тааруулдаг бөгөөд 11 настай Баттогтохын Батболд хүү унаж хурдлуулжээ.  

8.Төв аймгийн Лүн сумын уугуул Батцэнгэлийн халтар. Уяа сойлгыг аймгийн Алдарт уяач Галсангийн Болдбаатар. Уралдаанч Г.Тэнгис.

9.Өвөрхангай аймгийн Хайрхандулаан сумын харьяат Тод манлай уяач Б.Отгоннасангийн хүрэн. Уяа сойлгыг өөрөө. Уралдаанч Э.Содномдорж.

10.Архангай аймгийн Чулуут сумын уугуул Ц.Энхболдын хээр. Уяа сойлгыг аймгийн Алдарт уяач Адуучийн Нямбаатар. Уралдаанч С.Элбэгсайхан. 

Б.Хастөр, гэрэл зургийг Л.Бадамрагчаа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна