Тод манлай уяач Д. Онон: Төрийн наадамд хэдэн талын сайн цустай адуу л айрагдана

-Ардын Хувьсгалын 100, 101 жилийн ойн баяр наадмын хурдан морины уралдаан хязаалан насаар эхэллээ. Баяр наадмын талаарх сэтгэгдлээсээ хуваалцаач.

-Хэрүүл маргаангүй, наадам сайхан болж байна. Өмнө нь тархинд давхисан хэдийгээ элдэвлээд байдаг байсан бол өнөө жил тэгэхээргүй болж. Адуунд үржил хийхэд буруу юм байхгүй. Сая түрүүлсэн зээрд үрээ бол манай Янзагатай нэг эцэгтэй  зээрд азарганы төл. Хөлийг нь муутгачихаад уяхгүй байгаа юм. Тэрний төл. Харин эх нь болохоор МУ-ын Алдарт уяач Бямбадоржийн адууны алаг гүү. Төрийн наадамд хэдэн талын сайн цустай  адуу л айрагдана шүү дээ. Жаахан дүүжүүрдүүхэн юм яваад байдаг байсан. Гэхдээ суухгүй л дээ. Газар холдохоор гараад ирж байгаа юм.

-Битүү шахуу үрээ дуулдсан.

-Дааганд нь нэг уралдуулаад хөлийг нь жаахан муутгачихсан юм. Тэгээд шүдлэнд нь оролдохоор нь хүүг “боль” гээд болиулчихсан. Намар, өвөл би бүдүүн хөх махыг нь жаахан хатгасан. Тэр хэрэг болсон юм шиг бна.

-Хурдан адууны хөл эмзэг. Ямархуу шалтгаантай байсан адууг эмчилж, түрүүлгэж байна вэ?

-Дээгүүрээ жаахан наалдангитай болчихсон байсан юм. Одоо ч гэсэн жаахан юм үлдчихээд л байгаа. Өнөөдөр уралдаж ирээд зүгээр л байна. Одоо ингээд тогтчих байхаа.

-Тэр тохиолдолд ямар эмчилгээ хийдэг юм бэ?

-Бүдүүн мах, залааг нь хатгасан. Залааг нь Ариунболд хатгасан байсан. Сүүлд би  20-иод хоногийн өмнө адуун дээрээ очоод бүдүүн хөх махыг нь хатгасан. Урагш жийгээд байсныг мөн хатгасан.

-За дараа дараагийн уралдаануудад нь амжилт хүсье.

-Баярлалаа.

А.Тэлмэн