Тод манлай уяач Цэвээнжавын Дуламсүрэн: Уяаны ойр гал түлээд, арц хүж уугиулах нь сайн

Архангай аймгийн Хотонт сумын уугуул, Тод манлай уяач 

-Өлгийтэй хүүдээ эмээл зэхдэг монголчууд алсыг хардаг ард түмэн. 

-Бид морь уралдахыг хамгийн дээд хэлбэр гэж ойлгодог. Гэтэл наана нь морь унах, морийг зөв эдлэх гэх мэт олон чухал өв соёлыг тээж явдгаа анзаардаггүй.

-Адууны соёл гэдэг бол дэлхийд хүлээн зөвшөөрөгдсөн соёл юм билээ.

-Адуу галын дөлөнд сэргэж, цог заль нь бадарч байдаг. Тийм учраас уяаны ойр гал түлээд, арц хүж уугиулах нь сайн. 

-Мэдсээр байж монгол морины уралдаанд эрлийз адуу уралдуулж байгаа хүмүүсийг би хулгайчтай зүйрлэнэ.

-Морийг хөндүүртэй байхад нь давхиулж, тарласнаас болоод хөөрүү зан суучихдаг.

-Морь түрүүлгэж айрагдуулна гэдэг    дан ганц уяа сойлгоос шалтгаалахгүй. Тухайн өдрийн цаг агаар, газар орны байдал нөлөөлдөг учраас уяачид тэр өдрийн аз, эз мэднэ гэдэг юм.

-Монгол наадам цэвэр хатуужил, тэсвэрийн холын зайн уралдаан. 

"Тод ишлэл" номноос...