ТОД МАГНАЙ ПОДКАСТ-31: МОНГОЛ УЛСЫН МАНЛАЙ УЯАЧ Ц.ДОРЖСҮРЭН

Сэтгүүлч
3-р сарын 29 -нд

11 жилийн өмнө түүнийг сэтгүүлийнхээ зочноор урьж, редакцийнхаа умгархан өрөөнд ярилцаж байжээ. Биеэ бариад, яриа нь задгайрахгүй байгаа мэт санагдсан тул “тамхиа татаж болно шүү” хэмээн зөвлөж байснаа санаж байна. Тамхи татсаны дараа байдал дээрдсэн ч “тийм ч илэн далангүй хүн биш юм” гэсэн дүгнэлтэнд хүрсэн.

Анхны уулзалтын дараах тэрхүү сэтгэгдлээр тооцоолж, “ энэ удаагийн зураг авалт нэг цаг орчим үргэлжлэх байх” хэмээн багцаалаад дараагийн зочноо түүнээс цаг хагасын дараа ирэхээр төлөвлөөд байв. Өөрөөр хэлбэл ярилцлагын дүрсээ хуулж, бэлтгэл байдал хангахад цаг хагас хангалттай хэмээн бодсон юм. Гэтэл бодит байдал өөрөөр эргэж, дараагийн зочин маань ирчихээд байхад эхний ярилцлагаа дуусаагүй л байлаа.
Манлайн бие төдийлөн сайн биш, тэнхээ тааруу байгаа ч 30 гаруй жилийн өмнөх түүхийг саяхан болсон мэтээр үйл явдал бүрийг тоочин өгүүлж байсан юм. Тэгээд энэ бүхнээ “хүмүүсийн асуудаг асуултанд нэг мөр хариулъя гэж бодоод” хэмээн тайлбарласан.
Тэр миний төсөөлж байсанчлан бүрэг, үг дуу цөөтэй хүн биш байж. Харин ой тогтоолт сайтай, шийдвэр гаргаж, түүнийхээ хариуцлагыг хүлээдэг, алдаа оноогоо дүгнэдэг, амны хишиг, аз буянтай нэгэн аж.
Доржсүрэнгийн хээр гэх домогт хурдан хүлэг хэрхэн эзнээ олж, алдар суугаа мандуулан хурдалсан тухай мэдэхийг хүсвэл


0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна