П.Дамдинлхагвын халтар

Төв аймгийн Баянцагаан сумын харьяат Д.Намсрай Ардын хувьсгалын 35 жилийн ойгоор хонгор соёолон айргийн гуравт, түүний хүү Дашдорж Ардын хувьсгалын ойгоор хээр морио айрагдуулж, хүргэн Төв аймгийн Сэргэлэн сумын харьяат Н.Пүрэвдорж Ардын хувьсгалын 60 жилийн ойгоор шар хээрээ айргийн дөрөвт хурдлуулж байсныг баяр наадмын цуваанаас харж болно. 

Харин өнөө жил гурав дахь үеийн уяач Пүрэвдоржийн Дамдинлхагва Төв аймгийн баяр наадамд их насны морь түрүүлгэж, аман хүзүүдүүлэн Ардын хувьсгалын 99 жилийн ойд халтар үрээгээ наймд давхиуллаа. 2008 оны “Дүнжингаравын хурд” уралдаанд Дорнод аймгийн Дашбалбар сумын Цогтын Дамдинсүрэнгийн унаган хүрэн морио түрүүлгэсэн тэрээр халтар үрээнийхээ талаар дараах мэдээллийг өглөө.

УДАМ, УГШИЛ:

Эцэг: Дорнод аймгийн Цагаан-Овоо сумын харьяат, Тод манлай уяач Т.Батзоригийн англи халтар азарга
Эх: Дорнод аймгийн Цагаан-Овоо сумын харьяат Тод манлай уяач Т.Батзоригийн хээр гүү

АМЖИЛТЫН ТОВЧООН:

2019 онд шүдлэн:
Төв аймгийн Жаргалантын САА-н эрлийз дунд ангиллын хурдан морьдын уралдаанд түрүү
2020 онд хязаалан:
АХ-ын 99 жилийн ой, Үндэсний их баяр цэнгэл наадамд найм

Б.Хастөр