Сумын Алдарт уяач Р.Батбаяр: Монгол төрийн гурван шатлалт наадмаас айраг, түрүү зэрэг хүртсэндээ маш их баяртай байна
-Монгол түмний их цэнгэл наадамд таны ухаа хүрэн даага айргийн гуравт хурдалсан. Баяр хүргэе. Сэтгэгдлээсээ хуваалцахгүй юу?
-Баярлалаа. 2020 он миний хувьд их сайхан жил болж байна. Учир нь миний хүрэн даага төрийнхөө наадамд айргийн гуравт хурдалж, хул шүдлэн маань Төв аймгийнхаа баяр наадамд түрүүлэн, буган хязаалан сумынхаа баяр наадамд айрагдлаа. Ийнхүү монгол төрийн гурван шатлалт наадмаас айраг, түрүү зэрэг хүртэх ховорхон хувь тавилангийн эзэн болсондоо маш их баяртай байгаа.
-Нээрэн элбэг тохиохгүй байх шүү.
-Нутгийн түмэн минь намайг Дааган Баагий гэдэг. Ийнхүү нэрийдэх болсон нь миний бие сумын наадамд найман даага түрүүлгэсэн хүн. Харин өнөө жил төрийнхөө наадамд даага айрагдуулж, Дааган хэмээх олон түмнээс өгсөн нэрээ баталгаажуулсандаа баяртай байна. Миний хүрэн даага бол Төв аймгийн Алтанбулаг сумын уугуул Батмөнхийн Шагдаржавын унаган адуу. Сайхан хурд хайрласан Шагдаржав найздаа баярлаж буйгаа “Тод магнай” сэтгүүлээрээ дамжуулан илэрхийлье ээ.
-Найман даага түрүүлгэсэн гэсэн үү?
-Тийм ээ. 2000 оны үед манай суманд зуд болоод 2001 оны зун би таван хусран даага өөрөө сургаж уясан юм байна. Тэгсэн нэг нь аман хүзүүддэг юм. Түүнээс хойш хул, халзан, хээр, хүрэн зүсмийн олон даага түрүүлгэсээн. Дан ганц өөрийн суманд гэлтгүй 2012 онд Сэлэнгэ аймагт хоёр даагатай очоод түрүү, аман хүзүүнд хурдлуулж байлаа.
-Дааганы уяа сойлгыг даамай сайн тааруулдаг уяач байх нь. Нэг дор олон даага уядаг уу?
-Анхны жил л таван даага уясан. Түүнээс хойш гол төлөв нэг юм уу, хоёр даага л уядаг болсон. 2018 онд гурван даага уяад сумынхаа наадамд харыг нь тавлуулж, буганыг нь зургаалуулаад, халтарыг нь арав дотор давхиулсан. Тэр жил өөрийн сумаас гадна Баянхангай, Лүн сумдын наадамд зургаалсан халтар даага энэ жил хязаалан болоод сумандаа айрагдлаа.
-Дааганы уяа сойлгын тухайд юуг анхаарах ёстой вэ?
-Даага гэдэг өөрөө хөөрхөн амьтан
Даанч гэнэн хонгор адуу гээд дуу байдаг шүү дээ. Яг л тийм гэнэн хонгор амьтан. Тэр сэтгэл зүйд нь тохирсон зөөлөн уяа чухал. Миний хувьд сүүтэй даага уяж байгаа бол шөнө байсан ч хамаагүй хөхүүлэх ёстой цагт нь л хөхүүлдэг. Өөрөөр хэлбэл, зөөлөн аргаар зүдрээхгүй уядаг.
-Дааган Баагий уяач өнөө жил төрийнхөө наадамд хэдэн насны морьтой ирсэн бэ?
-Улсынхаа наадамд анх удаа оролцохоор ганц даагатай ирсэн. Тэгээд айраг уусандаа маш их баяртай байгаа. Түүнээс өмнө 2010 онд “Хотгойдын хурд” хангайн бүсийн уралдаанд нэг шүдлэнтэй очоод есөөр давхиулж байлаа. Өөрөөр хэлбэл, би тэр болгон гарч уралдаад байдаггүй хүн.
-Гарч уралдаж байх хэрэгтэй бололтой.
-Тийм байна. 2013 онд хүрэн халзан даагаа Угтаалцайдам, Заамар сумдын наадамд түрүүлгээд Төв аймгийн 90 жилийн ойгоор зургаад давхиулж байсан юм байна.
-Удамт уяачдын нэг гэдгийг тань мэдэх юм байна. Цолтой бил үү?
-Сумын Алдарт уяач цолтой. Манайхан гурван үеэрээ морь уяж байгаа улс. Миний өвөө Дэндэвийн Алтангэрэл, түүний хүү миний ажаа Алтангэрэлийн Рээлхүмбэ, миний бие Рээлхүмбийн Батбаяр гээд. Сонирхуулаад хэлэхэд, миний бие санаачлан 2014 онд сумынхаа 90 жилийн ойг угтан АХ-ын 50 жилийн ойн түрүү М.Сияннямбуугийн хонгор морины хөшөөг босгосон юм. Түүнээс хойш манай сумын уяачид улс, бүсийн уралдаанаас дөрвөн түрүү, зургаан айраг хүртээд буй. Үүгээрээ бас их бахархаж явдаг.
-Угтаалын уяачид урамтай сайхан наадах болтугай. Дараа дэлгэр сайхан ярилцана аа.
-Баярлалаа. Хурдан морины төлөө хоёргүй сэтгэлээр тууштай зүтгэж буй Монгол Улсын Манлай уяач Т.Ихбаяр болон улсын Алдарт уяач П.Баяраа нартаа талархаж явдгаа дашрамд уламжилъя аа.
Б.Хастөр
2 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 2 цагийн өмнө Архангай аймгийн 100 жилийн ой, хангайн бүсийн ура…
- 4 цагийн өмнө 2023 оны ММСУХ-ны чансаа өндөр уяачид
- 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 3-р сарын 05 -нд Архангай аймгийн 100 жилийн ой, хангайн бүсийн ура…
- 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2-р сарын 27 -нд 2022 оны чансаа өндөр сонгомол дээд насны хүлгүүд
- 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2-р сарын 22 -нд 2022 оны чансаа өндөр азарганууд
- 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2-р сарын 21 -нд ММСУХ-ны 2022 оны шилдгүүд шагналаа авлаа
- 2-р сарын 21 -нд Архангай аймгийн 100 жилийн ой, хангайн бүсийн ура…
- 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
- 2023 оны 10-р сарын 28 -нд Өвгөн ноён М.Пүрэвжавын нэрэмжит уралдаануудын нэг…
- 2023 оны 10-р сарын 17 -нд Өнөө жил яах бол...
- 2023 оны 10-р сарын 09 -нд Сумын Алдарт уяач О.ДАШЗАВ: Сумынхаа наадмын айрги…
66.181.161.99
Миний ахын моринд оруулсан хувь нэмэр зүтгэл их тэр хэмжээгээрээ одоо морьд нь сайхан хурдалж байна. Алтан тууртын босоо цагаан хийморь түшиж ивээх болтугай хурай хурай хурай
Reply66.181.161.51
Миний ах мундаг хөдөлмөрч үнэн ч шударга тууштай хүн шүү ахыг минь морьны босоо цагаан хийморь мөнхөд ивээх болтугай хурай хурай хурай
Reply