Еслүү хээр

2019 оны Монгол Улсын Шилдэг уяач Булган аймгийн Хутаг-Өндөр сумын харьяат, аймгийн Алдарт уяач Гаравсүрэнгийн Гантулгын Еслүү хэмээх өвөрмөц нэртэй хээр азарга Ардын хувьсгалын 99 жилийн ой, Үндэсний их баяр цэнгэл наадмын эрлийз дээд ангилалд долоод хурдалсан билээ. Дааган цагаас хурдалж буй хээр азарганы удам угшил, амжилтын товчоог танилцуулбал: 

УДАМ, УГШИЛ:

Эцэг: Архангай аймгийн Цахир сумын уугуул О.Мэндбаярын Голфен дуудлагатай араб азарга.
Эх: Хэнтий аймгийн Баянхутаг сумын харьяат Хөхийн Гомбосүрэнгийн хээр гүү

АМЖИЛТЫН ТОВЧООН:

2015 онд даага:
Булган аймгийн Хутаг-Өндөр сумын Хантай багийн хаврын уралдаанд түрүү
Булган аймгийн Булган суманд болсон овооны тахилгад эрлийз дунд ангилалд түрүү 
Булган аймгийн Хутаг-Өндөр сумын Хантай багийн наадамд түрүү
Булган аймгийн Хутаг-Өндөр сумын баяр наадамд түрүү
АХ-ын 94 жилийн ой, Үндэсний их баяр цэнгэл наадмын эрлийз бага ангилалд 16
Булган аймагт болсон хангайн бүсийн уралдаанд түрүү 

2016 онд шүдлэн:
Булган аймгийн хаврын бүсийн уралдааны эрлийз дунд ангилалд айргийн тав
Булган аймгийн Хутаг-Өндөр сумын баяр наадамд түрүү
2017 онд хязаалан:
Булган аймгийн Хутаг-Өндөр суманд болсон “Хантайн хурд” уралдаанд түрүү
Орхон аймгийн хаврын бүсийн уралдааны эрлийз дунд ангилалд аман хүзүү
2018 онд соёолон:
Булган аймгийн Хутаг-Өндөр сумын баяр наадмын эрлийз дээд ангилалд түрүү
АХ-ын 97 жилийн ой, Үндэсний их баяр цэнгэл наадмын эрлийз дээд ангилалд 13
Булган аймгийн 80 жилийн ой, хангайн бүсийн уралдааны эрлийз дээд ангилалд зургаа
2019 онд хавчиг:
“Хотгойдын хурд-4” хангайн бүсийн уралдаанд айргийн гурав
2020 онд долоон настай: 
АХ-ын 99 жилийн ой, Үндэсний их баяр цэнгэл наадамд долоо

Б.Хастөр