Наадамд уралдах морьдыг нэг өдөр бүртгэнэ

Онцгой нөхцөл байдлын улмаас олон жилийн турш дагаж мөрдсөн тогтсон хэв маяг өөрчлөгдсөнтэй холбогдуулан уяачдын дунд “энэ жилийн наадмаар яах гэнэ” гэсэн ерөнхий асуулт түгээмэл байна.

Өөрөөр хэлбэл “уралдах морьдоо хэрхэн ялгах бол”, “сэрвээ нь давсан монгол морьдыг мордуулах болов уу”, “уралдах морьдоо хэзээ бүртгэх вэ?” “уралдаанч хүүхдээ хэрхэн даатгах вэ” гэгчлэн асуултууд түгээмэл ирж байна. Бид хурдан морины салбар хорооныхонтой холбогдож тодруулга хүсэхэд “монгол зургаан насны морьд уламжлалт хуваарийн дагуу уралдана. Гэхдээ уралдах морьдыг нэг өдөр нэгдсэн журмаар бүртгэнэ. Уралдах морьдыг тухайн өдөр нь тээвэрлэн авчрах бөгөөд энэ асуудлыг уяачид өөрсдөө хариуцна.”гэсэн хариулт өглөө. Түүнчлэн онцой нөхцөл байдалтай холбогдуулан гараа, барианы зурхайд ариутгал, халдваргүйтэл хийхийн зэрэгцээ хүүхдүүд масктай уралдах ёстой болсныг дахин онцоллоо.

Б.Хастөр