“ХАНГАЙН БҮСИЙН ХУРД 2009” УРАЛДААН-АЗАРГА

ЛАМЫН ГЭГЭЭН ЛУВСАНДАНЗАНЖАНЦАНЫ МЭЛМИЙ ГИЙСНИЙ 370 ЖИЛИЙН ОЙ “ХАНГАЙН БҮСИЙН ХУРД 2009” УРАЛДААН

2009 оны хангайн бүсийн хурдан морины уралдаан Ламын Гэгээн Лувсанданзанжанцаны мэлмий гийсний 370 жилийн ойтой давхцсанаараа онцлог басхүү цар хүрээний хувьд ч өргөн байлаа. Энэ удаагийн уралдаанд 10 гаруй аймгаас хүрэлцэн ирсэн зургаан насны 1200 гаруй хурдан хүлэг тоосоо өргөж Баянхонгор нутгийн уяачид хоёр түрүү, таван айраг хүртэж одтой сайхан наадсан юм.

Ламын Гэгээний  370 жилийн ой хангайн бүсийн уралдааны азарганд Баян-Овоо сумын уугуул, МУ-ын Алдарт уяач Б.Бүрэнтөрийн Даншиг хүрэн азарга магнайдаа тоосгүй түрүүлж, Баянбулаг сумын уугуул, МУ-ын Алдарт уяач Ч.Махбалын Салхин халтар айргийн дөрөвт хурдалсан бол их насанд Богд сумын уугуул, аймгийн Алдарт уяач Ц.Дэлгэрдалайн халтар халзан морь түрүүлж, Баянцагаан сумын уугуул, МУ-ын Алдарт уяач Д.Баяраагийн ухаа морь айргийн дөрөвт хурдалсан юм. Харин хязаалангийн уралдаанд Баян-Овоо сумын уугуул, аймгийн Алдарт уяач Д.Жаргалсайханы бор айргийн гуравт хурдалсан бол шүдлэн насны уралдаанд Баян-Овоо сумын уугуул, МУ-ын Алдарт уяач Ц.Энхтайваны саарал үрээ айргийн тавд хурдалсан билээ.

Азарга

1.Баянхонгор аймгийн Баянцагаан сумын уугуул, МУ-ын Ерөнхийлөгч Халтмаагийн Баттулгын Даншиг хүрэн

2.Төв аймгийн Сэргэлэн сумын уугуул, МУ-ын Тод манлай уяач Цэрэнгийн Хэнмэдэхийн зээрд халзан

3.Өвөрхангай аймгийн Баянгол сумын уугуул, МУ-ын Алдарт уяач Сантүдэвийн Хэрлэнгийн хонгор

4.Баянхонгор аймгийн Баянбулаг сумын уугуул, МУ-ын Алдарт уяач Чинбатын Махбалын Салхин халтар

5.Ховд аймгийн Алтай сумын уугуул, МУ-ын Алдарт уяач Цэдэвийн Гантөмөрийн Пума хул

6.Сэлэнгэ аймгийн Баянгол сумын уугуул, аймгийн Алдарт уяач Жадамбаагийн Бат-Өлзийн хүрэн

7.Өвөрхангай аймгийн Сант сумын уугуул, аймгийн Алдарт уяач Сэрсэнгийн Ганболдын хээр

8.Сэлэнгэ аймгийн Баянгол сумын уугуул, аймгийн Алдарт уяач Жадамбаагийн Бат-Өлзийн хонгор

9.Дорнод аймгийн Баяндун сумын уугуул, аймгийн Алдарт уяач Пүрэвдоржийн Цэгмидийн Тайж халтар

10.Баянхонгор аймгийн Баян-Овоо сумын уугуул, аймгийн                Дамдинсүрэнгийн Баярсайханы халтар

Д.Гантулга