"Булганхангайн уяач-2019" шинэ жилийн цэнгүүн боллоо

Сэтгүүлч
2019 оны 12-р сарын 17 -нд

Булган аймгийн уяачдын шинэ жилийн баярын цэнгүүн ням гарагт болж, 2019 оны шилдгүүдээ тодруулжээ.  


Шилдэг уяач:

1. Булган аймгийн Сэлэнгэ сумын харьяат, аймгийн Алдарт уяач Доржийн Цээлхасүрэн. Аймгийн баяр наадмын хоёр айраг, аймгийн бүсийн уралдааны гурван түрүү, 12 айраг хүртсэн амжилтаар 33 оноо цуглуулж нэгдүгээрт

2. Булган аймгийн Хутаг-Өндөр сумын харьяат аймгийн Алдарт уяач Маруушийн Эрхэмбаяр. Аймгийн наадмын дөрвөн айраг, аймгийн бүсийн уралдааны гурван түрүү, хоёр айраг хүртсэн амжилтаар 26 оноо цуглуулж, хоёрдугаарт

3. Булган аймгийн Баян-Агт сумын харьяат, аймгийн Алдарт уяач Ганжаргалын Зоригтбаатар. Аймгийн наадмын дөрвөн айраг, аймгийн бүсийн уралдааны гурван түрүү, хоёр айраг хүртсэн амжилтаар 21 оноо цуглуулж, гуравдугаарт

4. Булган аймгийн Баяннуур сумын харьяат аймгийн Алдарт уяач Содномын Манлайбаяр. Аймгийн бүсийн уралдааны дөрвөн түрүү, дөрвөн айраг хүртсэн амжилтаар 20 оноо цуглуулж, дөрөвдүгээрт

5. Булган аймгийн Баян-Агт сумын харьяат, сумын Алдарт уяач Намнангийн Жаргалсайхан. Аймгийн наадмын нэг айраг, аймгийн бүсийн уралдааны нэг түрүү,  гурван айраг хүртсэн амжилтаар 12 оноо цуглуулж тавдугаарт тус тус эрэмблэгджээ.

Шилдэг азарга:

1. Бүрэгхангай сумын залуу уяач Наранцацралтын Болдбаатарын хар. Булган аймгийн баяр наадам Орхон сумын 60 жилийн ойд тус тус түрүүлэн 10 оноо цуглуулж, нэгдүгээрт

2. Сайхан сумын харьяат Довчингийн Гантулгын "Мөнгөн" хонгор. Аймгийн баяр наадамд аман хүзүүдэж, Сайхан сумын бүсийн уралдаанд түрүүлэн найман оноо цуглуулж, хоёрдугаарт

3. Хангал сумын харьяат, сумын Алдарт уяач Төмөрийн Мөнхбатын "Мөнгөн хөлт" хүрэн халзан. Сэлэнгэ сумын 60 жилийн ойд айргийн гуравт хурдалж, Орхон аймгийн бүсийн уралдаанд түрүүлэн долоон оноо цуглуулж гуравдугаарт

4. Хутаг-Өндөр сумын харьяат Батсүхийн Ууганбаярын ха. Аймгийн баяр наадамд айргийн гуравт хурдлан дөрвөн оноо цуглуулж дөрөвдүгээрт

5. Бүрэгхангай сумын уяач Алтангэрэлийн Чинбатын шар халтар. Аймгийн баяр наадамд айргийн дөрөвт хурдлан тавдугаарт тус тус эрэмбэлэгджээ.

Шилдэг их насны морь:

1.Орхон сумын уяач Нацагдоржийн Нарангэрэлийн бор. Аймгийн баяр наадамд айргийн гуравт хурдлан, Орхон сумын 60 жилийн ойд түрүүлж найман оноо цуглуулан нэгдүгээрт

2. Тэшиг сумын харьяат, сумын Алдарт уяач Мөнх-Эрдэнийн "Янзган" цоохор. Аймгийн баяр наадам болон Орхон сумын 60 жилийн ойд тус тус айргийн тавд хурдлан долоон оноо цуглуулж, хоёрдугаарт

3. Тэшиг сумын уяач Жамсранжавын Баярсайханы бор. Аймгийн баяр наадамд түрүүлэн зургаан оноо цуглуулж гуравдугаарт

4. Хутаг-Өндөр сумын харьяат сумын Алдарт Түмэн-Өлзийн Октябрийн Гоё халиун. Аймгийн баяр наадамд айргийн дөрөвт хурдлан дөрвөн оноо цуглуулж дөрөвдүгээрт

5. Сэлэнгэ сумын харьяат сумын Алдарт уяач А.Төрмөнхийн хар. Сэлэнгэ сумын 60 жилийн ойн баяр наадамд аман хүзүүнд хурдлан гурван оноо цуглуулж тавдугаарт тус тус эрэмбэлэгджээ.

Шилдэг бага насны хүлгүүд:

Шилдэг соёолон: Тэшиг сумын уяач Зоригтын Тэмүүлэнгийн "Жигүүр" хээр. Сайхан сумын бүсийн уралдаан  болон ЭӨЦ сургуулийн 60 жилийн ойд тус тус түрүүлсэн.

Шилдэг хязаалан: Баян-Агт сумын харьяат сумын Алдарт Намнангийн Жаргалсайханы халтар. Аймгийн наадамд айргийн дөрөвт хурдалж, аймгийн бүсийн уралдаанаас нэг түрүү, нэг аман хүзүү, хоёр айраг хүртсэн.

Шилдэг шүдлэн: Булган сумын уяач Пүрэвдоржийн Отгонбаярын "Тогоруу" саарал. Аймгийн баяр наадамд түрүүлж, аймгийн бүсийн уралдааанаас нэг түрүү, хоёр айраг хүртсэн.

Шилдэг даага: Хутаг-Өндөр сумын харьяат Баасансанжаагийн Лхагвадоржийн "Саран" хонгор. Аймгийн баяр наадамд айргийн гуравт хурдалж, аймгийн бүсийн уралдаанаас нэг түрүү, нэг айраг хүртсэн.

Шилдэг уралдаанч хүүхдүүд:

1.Галбадрахын Мөнгөнтулга. Аймгийн наадмаас дөрвөн айраг, аймгийн бүсийн уралдаанаас гурван түрүү, хоёр айраг хүртсэн амжилтаар 34 оноо цуглуулж, нэгдүгээрт

2. Баянтөгс Мөнхбаясгалан. Улсын бүсийн уралдаанаас нэг айраг,  аймгийн бүсийн уралдаанаас дөрвөн түрүү, дөрвөн айраг хүртсэн амжилтаар 26 оноо цуглуулан хоёрдугаарт

3. Энх-Амгалангийн Мөнхтөр. Аймгийн баяр наадмаас нэг айраг, аймгийн бүсийн уралдаанаас гурван түрүү, дөрвөн айраг хүртсэн амжилтаар 22 оноо цуглуулж гуравдугаарт

4. Батсайханы Тэлмүүн. Аймгийн баяр наадмаас дөрвөн айраг, аймгийн бүсийн уралдаанаас гурван түрүү, хоёр айраг хүртсэн амжилтаар 21 оноо цуглуулж, дөрөвдүгээрт

5. Жаргалсайханы Даваажаргал. Аймгийн баяр наадмаас нэг айраг, аймгийн бүсийн уралдаанаас нэг түрүү,  айраг хүртсэн амжилтаар 12 оноо цуглуулан тавдугаарт тус тус эрэмбэлэгджээ.

“Булган хангай” МСУХ-ны ажлын алба

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна