Итгэлээр хөглөсөн эвий Mongolian Groom минь

Сэтгүүлч
11-р сарын 04 -нд

3-ны ням гараг уг нь догдолж хүлээсэн өдөр байлаа. Амралтын өдөр хэмээн алгуурлалгүй эртлэн босоод энэ өдөр дэлхийн дэвжээнд шандас сорих Монгол уяачийн  эзэмшлийн,  Монгол уяачийн  уяж сойсон идэрхэн хүлгийг чимээлж суув.

Товлосон цагтаа уралдаан эхэлж, төсөөлж байсанчлан Mongolian Groom өнгөнд уралдаж, эхний гурван байрын нэгэнд эргэлзээгүй хэмээн сэтгэж, түрүүлчихээсэй хэмээн залбирахуй дор...


Сар гаруйн өмнө G-1 ангиллын уралдаанд Америкчуудын бахархал болсон хүлгүүдийг ардаа орхин түрүүлж, дэлхий даяар шуугиан тарьсан Mongolian Groom  Breeder’s cup дэлхийн цомын тэмцээнд  тэргүүлэх байрт уралдаж, Монголчуудын морь уях эрдмийг дахин гайхууллаа. 17 удаагийн уралдаанд оролцон, гурвантаа түрүүлж  579,141 ам.долларын шагнал аваад байсан Mongolian Groom бэртлийн улмаас тэмцээнээ дуусгаж чадалгүй мөнхийн амгаланд хүрсэн ч Монголчуудад төдийгүй дэлхийн олон орны морины зүтгэлтнүүдэд  “мөрөөдөлд хүрэх боломж ойрхон буйг” батлан харуулж чадсан юм.


Монгол түмний бахархалт хүлэг Mongolian Groom-н талаар малын их эмч А.Наранбаатар: Монголчууд бидний бахархал болсон ажнай хүлэг минь тэнгэрийн орондоо оджээ. Жижиг улсын нэрийг дэлхийн морин уралдааны тавцанд гаргаж чадсан “Макс” группийн ах дүү Тод манлай уяач болон уяач Э. Ганбат ахынхаа амжилтуудаар бахархаад баршгүй. Монголчууд бидэнд боломж буйг харуулж чадсан та бүхнээрээ их бахархаж байна. Дэлхийн классик уралдаанд үзүүрт уралдаж буйг бид харлаа, түрүүлэх боломж  100% байлаа. Гэхдээ уралдааны явцад гэмтэж уралдаанаас гарч, түргэн тусламжаар эмнэлэгт хүргэгдсэн, хөлний хугарал гэдэг бол адууны хувьд эдгэрэх боломж маш муу байдаг. Шинэ он гарсаар 32 хурдан морьд уг морин тойруулга дээр гэмтэл бэртэл авснаас унтуулсан гэсэн мэдээлэл байдаг. Тэнгэрийн хүлэг минь эргэж Монголчууд бидэндээ төрөхийн ерөөл өргөе” хэмээн нүүр номдоо бичжээ.

Түүний хэлсэнчлэн Mongolian Groom бидэнд эргэж төрөх болтугай.

Б.Хастөр

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

  • 192.82.74.211

    10 XONOG TUTAM ENE TOIRUULGA DEER 1 ADUU UXESEN TOO GARCH BGA YUM BISH UU. CHUTGUR SHUGELSEN TOIRUULGA BNA. MONGOLCHUUD GOMDOL GARGAJ XURDAN XULEGTEE NUHUN TULBUR GARGUULJ MONGOLD XUSHUUG NI BOSGOX XEREGTEI SHDEE

    Reply