Т.Ганжаргалын хар

Сэтгүүлч
9-р сарын 27 -нд

Өмнөговь аймгийн Номгон сумын харьяат Түмэнбаярын Ганжаргалын хар соёолон АХ-ын 98 жилийн ойн баяр наадамд есөд хурдалсан. Намар оройн наадмуудад одтой сайхан давхидаг хар үрээний уяа сойлгыг Ханхонгор сумын харьяат, аймгийн Алдарт уяач Нанзадын Болд-Өрнөх /улсад соёолон айрагдуулж байсан/ тааруулдаг бөгөөд өнөө жил төрийнхөө наадмыг зорин ирж ерөөл бэлгэдлийн есөд хурдалжээ. Хар үрээний эзэн Т.Ганжаргал уяач  2012 оноос хурдан морь уяж хурдлуулах болсон бөгөөд Уулбаян сумын бүдүүн хэмээх Шагдараас авсан хул мориороо одтой сайхан наадан одоогийн байдлаар аймаг, аймгийн чанартай уралдаанаас нэг түрүү, зургаан айраг хүртээд буй юм.

УДАМ, УГШИЛ:

Сүхбаатар аймгийн Халзан сумын харьяат Сүхбаатарын Шинэбаярын унаган адуу. 

Эцэг: Сүхбаатар аймгийн Халзан сумын Шинэбаярын унаган хар азарга 

Эх: Сүхбаатар аймгийн Халзан сумын харьяат  Цэндийн Батхүрэлийн хар азарганы төл хээр гүү

АМЖИЛТЫН ТОВЧООН:

2016 онд даага:

- Дундговь аймгийн Луус суманд болсон хийдийн нээлтийн мялаалга уралдаанд айргийн дөрөв

- Өмнөговь аймгийн Ханхонгор сумын Өгөөмөр багийн 60 жилийн ойд түрүү

- Өмнөговь аймгийн Баян-Овоо суманд болсон бэсрэг наадамд аман хүзүү

2017 онд шүдлэн:

- Өмнөговь аймгийн Цогт-Овоо суманд болсон овооны тахилга наадамд түрүү

- Өмнөговь аймгийн Ханхонгор сумын баяр наадамд айргийн гурав

2018 онд хязаалан:

- Өнжсөн

2019 онд соёолон:

- Өмнөговь аймгийн Ханхонгор сумын баяр наадамд түрүү

- АХ-ын 98 жилийн ой, Үндэсний их баяр цэнгэл наадамд ес

Б.Хастөр

2 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.