Б.ЛХАГВА-ОЧИРЫН ДАЙЧИН ХАЛЗАН

Дундговь аймгийн Хулд сумын уугуул, Монгол улсын Манлай уяач Баярсайханы Лхагва-Очирын  хурдан халзан морь өнөө жил хараахан айрагдаж чадалгүй долоод хурдаллаа. Төрийн зарлигт наадмаас хоёр түрүү, дөрвөн айраг хүртээд буй Дайчин халзангийн амжилт алдрын товчооныг дахин нэг сануулъя.

УДАМ, УГШИЛ:

Дундговь аймгийн Хулд сумын уугуул, МУ-ын Алдарт уяач Баярсайханы  унаган  адуу.

Эцэг: МУ-ын Алдарт уяач Жамбалсүрэнгийн Соёмбо хүрэн азарганы төл бүсийн наадамд хоёр түрүүлсэн хүрэн азарга.

Эх: Баярсайхан Алдартын унаган гүү

АМЖИЛТЫН ТОВЧООН:

2013 онд шүдлэн:

- Хулд сумынхаа баяр наадамд айргийн гуравт хурдалж, хэд хэдэн бага наадамд түрүүлсэн

2014 онд хязаалан:

- Хулд сумын 90 жилийн ойд  айргийн гурав

-Сайхан-Овоо сумын 90 жилийн ойд айргийн гурав

- Дэлгэрхангай сумын 90 жилийн ойд түрүү

2015 онд соёолон:

- Дэлгэрхангай суманд болсон аймгийн бүсийн уралдаанд түрүү

- АХ-ын 94 жилийн ой, Үндэсний их баяр наадамд айргийн дөрөв

- “Говь шанхын хурд” говийн бүсийн уралдаанд аман хүзүү

- ММСУХ-ны 20 жилийн ойн бүсийн уралдаанд аман хүзүү

2016 онд хавчиг:

- Өмнөговь аймагт болсон говийн бүсийн уралдаанд түрүү

2018 онд долоотой:

- АХ-ын 97 жилийн ой, Үндэсний их баяр наадамд айргийн гурав

- Дорноговь аймагт болсон говийн бүсийн уралдаанд түрүү

2019 онд наймтай:

- АХ-ын 98 жилийн ой, Үндэсний их баяр наадамд долоо

-“Говьшанхын хурд-5” говийн бүсийн уралдаанд түрүү

Б.Хастөр