ЖИГҮҮР БОР

Сэтгүүлч
2019 оны 8-р сарын 05 -нд

Арын сайхан хангай нутгийн дээд цолтнуудын тоо өнөө жил дөрөвт хүрсэн. Өвөг дээдсийнхээ алдрыг дуудуулж, өргөн түмнээ баясгасан тэр эрхэм бол Төвшрүүлэх сумын уугуул Ө.Пүрэвбаатар юм. Унаган адуугаа уралдуулж, төрийн наадмын анхны хишгийг хүртсэн түүний цолыг мялааж хурдан бор азарга нь АХ-ын 98 жилийн ойд айргийн гуравт хурдлан, ууган хүү П.Мөнхтулгынх нь нэр дээр цоллогдлоо. Ингээд уншигч та бүхэнд шүдлэн цагаас хурдалж буй Жигүүр бор азарганы удам, угшил амжилтын товчооныг ахин нэг сануулъя.  

УДАМ, УГШИЛ:
Эцэг: Ө.Пүрэвбаатарын бор азарга
Эх: Тойруулгын Сүмбэ шагайгийн төл ягаан гүү
АМЖИЛТЫН ТОВЧООН:
2014 онд шүдлэн:
- Ө.Пүрэвбаатарын аймгийн Алдарт уяачийн мялаалга уралдаанд түрүү
- Хэнтий аймгийн Хэрлэнбаян-Улаан сумын наадамд түрүү
- АХ-ын 93 жилийн ой, Үндэсний их баяр наадамд аман хүзүү
- “Дорнод талын хурд-2014” зүүн бүсийн уралдааны түрүү
2015 онд хязаалан:
- АХ-ын 94 жилийн ой, Үндэсний их баяр наадмын түрүү
2016 онд соёолон:
- АХ-ын 95 жилийн ойд аман хүзүү
2017 онд хавчиг:
- ММСУХ-ны 22 жилийн ойд айргийн гурав
2018 онд долоон настай:
- “Эрдэнэт-2018” төвийн бүсийн уралдаанд айргийн гурав
2019 онд найман настай:
- АХ-ын 98 жилийн ой, Үндэсний их баяр цэнгэл наадамд айргийн гурав 
-“Боржигон-2019” төвийн бүсийн уралдаанд айргийн дөрөв
Б.Хастөр

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.