Дархад цагаан адууны баяр ирэх сард болно

“Дэлгэрхаан” уулын тахилга, цагаан адууны баяр, “ДАРХАД ХУРД-6” өв соёлын наадам ирэх 08 дугаар сарын 2, 3, 4-ний өдрүүдэд Улаан -Уул сумын Соёо багийн нутаг “Соёо толгойд” болно. Энэхүү баяр наадмаар  зургаан насны морьдын уралдаан,  хүчит 128 бөхийн барилдаан, үндэсний сурын харваа, Ганган хос морьтон, “Цагаан дээлтэй Дархад” урлагын наадам, Өв соёлын үзэсгэлэн, худалдаа зэрэг арга хэмжээнүүд болно. Мөн аймгийн Засаг дарга Л.Ганболдын санаачлагаар дан Дархад цагаан морьдын уралдаан зохион байгуулагдана. Энэхүү уралдаан нь Монгол улсдаа анх удаа дан цагаан адууны уралдаан болж байгаагаараа онцлогтой юм. /Цагаан адууны уралдаанд дээд 3 насны битүү морьд нийлж уралдана/

ЗОХИОН БАЙГУУЛАГЧ:

Аймгийн ЗДТГ,

 “Монголын Дархад зон нийгэмлэг”,

 бүсийн сумдын ЗДТГ,  

Нутгийн зөвлөл,

“Дэлтэй цэнхэр”морин спорт уяачдын холбоо