ТОД МАНЛАЙ УЯАЧ Б.ДАЛАЙН МЯЛААЛГА НААДАМ ДЭЛГЭР БОЛЛОО

Увс аймгийн Зүүнговь сумын уугуул, МУ-ын Тод манлай уяач, Аж Үйлдвэрийн Гавьяат Ажилтан "Монгол Чех металл” ХХК-ийн захирал Бичээрэйн Далайд хүндэтгэл үзүүлэх наадам түүний төрж өссөн нутаг Увс аймагт өчигдөр  боллоо. Тус арга хэмжээний хүрээнд таван насны хүлэг морьд уралдаж, хүчит 128 бөхийн барилдаан зохион байгуулагдсан юм. Тус наадмыг Увс аймгийн Засаг даргын Тамгын газар, Аймгийн БТСГ, Улаангом сумын Засаг даргын Тамгын газар, аймгийн морин спорт уяачдын холбоо, аймгийн үндэсний бөхийн холбоо хамтран зохион байгууллаа.

Мөн наадмын гурвын давааны төгсгөлд МУ-ын Тод манлай уяач Б.Далайд баяр хүргэх арга хэмжээ зохион байгуулагдаж түүнд төрж өссөн Увс аймаг, Зүүнговь сум, нутгийн зөвлөл, найз нөхөд ах дүү төрөл төрөгсөд нь хүндэтгэл үзүүллээ.

МУ-ын Тод манлай уяач Б.Далайн урилгаар  Увс аймгийн Хяргас сумын харьяат МУ-ын Хөдөлмөрийн баатар, Гавьяат тамирчин, шинжлэх ухааны доктор, Х.Баянмөнх, Зүүнговь сумын уугуул "Увс нуур" галын тэргүүн асан гавъяат хуульч Д.Дорлигжав, Зүүнхангай сумын харъяат МУ-ын Гавьяат мал зүйч, профессор Д.Самданжамц, Тэс сумын уугуул МУ-ын Гавьяат багш М.Дэжимбээ, Зүүнговь сумын уугуул "Увс нуур" галын гүйцэтгэх захирал МУ-ын урлагийн Гавьяат зүтгэлтэн Д.Цэрэнсамбуу, Дорноговь аймгийн Өргөн сумын харьяат МҮОНТ-ийн хөтлөгч, соёлын Гавьяат зүтгэлтэн Л.Цагаандалай, Төв аймгийн Сэргэлэн сумын харьяат МУ-ын Манлай уяач олноо (Дааган хэмээн) алдаршсан Ц.Ганхуяг нарын  хүндэт зочид хүрэлцэн ирсэн байсан юм. Ингээд мялаалга наадамд түрүүлж, айрагдсан хүлгүүдийг танилцуулъя. 

Их нас :
1. Зүүнговь сумын харьяат Балдоржийн хүрэн

2. Өлгий сумын харьяат Дэндэвийн Буган халиун

3. Давст сумын харьяат Баттогтохын хүрэн

4. Завхан сумын харьяат Эрдэнэбатын алаг

5. Зүүнговь сумын харьяат Балдоржийн хүрэн  

 Соёолон: 

1. Ховд сумын харьяат Бямбажавын хүрэн

2. Зүүнговь сумын харьяат Сундуйжавын хээр

3. Сагил сумын харьяат Мягмаржавын хээр

4. Тариалан сумын харьяат Бямбацогтын хул

5. Өлгий сумын харьяат Дэндэвийн саарал 

Хязаалан:

1. Түргэн сумын харьяат Сүхбаатарын хул 

2. Завхан сумын харьяат Сүхбаатарын халзан 

3. Бөхмөрөн сумын харьяат Гантөмөрийн хээр 

4. Наранбулаг сумын харьяат Батбуянгийн шарга 

5. Улаангом сумын харьяат Мөнхтөрийн хул

Шүдлэн:

1. Тариалан сумын харьяат Бямбасүрэнгийн халтар 

2. Улаангом сумын харьяат Алтайн  халтар 

3. Түргэн сумын харьяат Сүхбаатарын хул 

4. Улаангом сумын харьяат Мөнхбаярын хар 

5. Наранбулаг сумын харьяат Соронболдын хонгор 

Даага:

1. Өлгий сумын харьяат Баянжаргалын хүрэн 

2. Наранбулаг сумын харьяат Галбадрахын хүрэн 

3. Улаангом сумын харьяат Пүрэв-Очирын хүрэн

4. Наранбулаг сумын харьяат Мөнгөний хээр 

5. Өлгий сумын харьяат Дэндэвийн буурал

Д.Пүрэвжав


1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.