Өлгийчүүд хурд сэлбэлээ

Засгийн газрын тогтоолт баруун бүсийн уралдаан өнөө жил Баян-Өлгий аймагт зохион байгуулагдана.Бүс нутгийн уяачдын чансааг тольдох, төрийн цолонд хүргэх зорилго бүхий уг уралдаан 7-р сарын 28, 29-ний өдрүүдэд болох юм. Долоон жилийн дараа болж баруун бүсийн уралдаандаа Өлгийчүүд эртнээс бэлтгэж буй бололтой.

Өнгөрсөн амралтын өдөр Баян-Өлгий аймгийн МСУХ-ны тэргүүн , аймгийн Алдарт уяач Хожабергений Нурлат зүүн болон төвийн аймгийн угшилтай хурдан удмын азарга үрээг 12 сумынхаа тэргүүнүүдэд хүлээлгэн өгсөн байна. Азарга бэлэглэх ёслолын үеэр тэрээр нутгийн адуугаа холын цусаар сэлбэн чанаржуулж, хурдлах чадварыг нь нэмэгдүүлэхийг хүсээд, баруун бүсийнхээ уралдаанд амжилттай оролцохыг уриаллаа.

Түүнчлэн уг арга хэмжээнд аймгийн Засаг дарга А.Гылымхан, аймгийн Засаг даргын орлогч А.Камелият, аймгийн ИТХ-ын тэргүүлэгч, аймгийн уяачдын холбооны тэргүүлэгч С.Асылбек нарын орон нутгийн удирдлагууд  оролцон байна.

Б.Хастөр


0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна