Салбар холбоодын удирдлагуудтай цахим хурал хийлээ

ММСУХ салбар холбоодынхоо удирдлагуудтай анх удаа цахим хурал хийлээ. 10 цагаас эхэлсэн анхны цахим хуралд ММСУХ-ны Ерөнхий нарийн бичгийн дарга Ч.Хишигбаатар, ажлын албаны дарга Б.Батбаатар, ажлын албаны ажилтнууд, ММСУХ-ны тэргүүлэгч, сэтгүүлч Л.Цагаандалай, “Тод магнай” сэтгүүлийн Ерөнхий эрхлэгч А.Эрдэнэтуяа, МИГ даатгал компанийн дэд захирал Долгор, Гүйцэтгэх захирал Б.Мөнххишиг болон 21 аймгийн төлөөлөл  оролцлоо. Хурлыг Ерөнхий нарийн бичгийн дарга Ч.Хишигбаатар  нээсний дараа МИГ даатгал компанийн зүгээс уралдаанч хүүхдийн даатгалтай холбоотой сэдвээр илтгэл тавьж, орон нутгийн удирдлагууд холбогдох сэдвээр асуулт асууж тодруулга авсан юм.  Үүний дараа сэтгүүлч Л.Цагаандалай "Их хурд-8" уралдаан, Монгол Туургатны их наадмын талаар мэдээлэл хийж, орон нутгийн салбар холбоод хэрхэн оролцох талаар зөвлөмж өглөө. 

Цахим хурлын гурав дахь сэдэв нь ММСУХ-ны бодлого шийдвэрийг орон нутагт сурталчлан таниулахтай  холбоотой байсан бөгөөд энэ талаар “Тод магнай” сэтгүүлийн эрхлэгч А.Эрдэнэтуяа мэдээлэл хийж, салбар холбоодын удирдлагуудыг хамтран ажиллахыг уриаллаа.


Өнөөдрийн цахим хурлын сүүлийн сэдэв гадаад харилцаагаа бэхжүүлж, харилцан туршлага судлах аялалтай холбоотой байсан бөгөөд ажлын албаны дарга Б.Батбаатарын саналыг орон нутгийн удирдлагууд санал нэгтэйгээр хүлээн зөвшөөрсөн юм.

Цаг хугацаа орон зайгаас үл хамаарсан цахим хурлыг цаашид сар бүр хийж байхаар тогтсон бөгөөд дараагийн удаа сэрвээний өндөр хэмжих төхөөрөмжийн талаар болон мэдээллийн сайтын идэвхжүүлэлтийн талаар ярилцах  аж.

Б.Хастөр

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

  • 112.72.11.113

    Сэрвээний ендер хэмжих багажны тендер зарлаж шалгаруулчихаад шалгарсан багажийг буцаалгvй ММСУХ дээр 1 сар байлгаж байлгах хугцаандаа еерсдее хагас дутуу дуурайж хийгээд Оюуны емч патентын , тендерын хуулиудыг зерчин уяачдыг хууран мэхлэж худлаа хэмжиж , хvний оролцоотой хуйвалдах боломжийг vvсгэж будлиантай уралдаан зохион байгуулсанд уяач хvний хувьд зохион бvтээгчийн хувьд маш гомдолтой байна Цаашид ч ийм байдал vргэлжлэх учир шvvхэд хандана Олон тvмнийг бvv доромжил!!!!!

    Reply