СЭРВЭЭНИЙ ӨНДӨР ХЭМЖИХ ТӨХӨӨРӨМЖИЙН ТАНИЛЦУУЛГА

Сэтгүүлч
2019 оны 5-р сарын 09 -нд

ММСУХ нийгэмд үйлчилдэг ТББ –ын ажлын албанаас /2019.03.12-ны өдөр/ зарласан ХА-2019-01 төслийн дугаартай Хурдан морины сэрвээний өндөр хэмжих багаж нийлүүлэлтийн тендерт шалгарсан ABB DEVICE төхөөрөмжийг уншигч танаа товч танилцуулъя. Энэхүү дэвшилтэт төхөөрөмжийг Цахилгааны инженер С.Алтансүх, Барилгын инженер Г.Батгэрэл, Ц.Болдбаяр, программ хангамжийн инженер Ж.Үйтүмэн нарын монгол залуус хамтран бүтээжээ.


Нягт гадаргуутай тэгш талбай дээр суурилагдах төхөөрөмж олон талын давуу чанартай аж. Үүнд: 
- Морь хэмжих бүрт метрийн тэгш ус тааруулахгүй тул цаг хэмнэнэ.
- Төхөөрөмж,морь хоёр нэг цул тэгш хавтгай талбай дээр байх учир морины цэвэр өндөр хэмжигдэнэ.
- Хэмжих гурвалжин нь дээш доош баганаа даган 90 градусаар гүйх тул өндөр, нам ямарч адууны сэрвээний өндөрт тааруулж барихад хялбар. Мөн босоо баганандаа нугасаар бэхэлсэн тул баганаа тойрон 180 градус эргэх боломжтой.
- Хэмжих гурвалжинг сэрвээний өндөрт тааруулсанаар доод ирмэгтэй нэг түвшинд байх зүүний үзүүрээр шугамын хэмжээг харж өндрийг мм-ийн нарийвчлалтай харж болно. 
- Хэмжих гурвалжинг сэрвээний өндөрт тааруулсанаар лазер метрээр /Германы BOSCH брэндийн лазер метр/ хэмжилт хийж үр дүнг 0,1мм нарийвчлалтай компютерт оруулан ямар ч дэлгэц рүү хувиргаж харуулах боломжтой. 
- Уралдахаар бүртгүүлсэн морьдын эзэд болон уралдаанч хүүхэдтэй холбоотой /хүүхдийн номер, эзний нэр, харьяалал, морины зүс гэх мэт/ мэдээллийг нэгтгэн дэлгэцээр нийтэд мэдээлнэ. Ингэснээр уяачид болон наадамчин олон өөрсдийн болон бусад морьдын тухай дэлгэрэнгүй мэдээлэлтэй болохын сацуу хэмжилт шударга бус болж байгаа эсэхэд хяналт тавих боломжтой. 
ММСУХ-ны ажлын алба

18 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.