Морь уралдуулах сан

Сэтгүүлч
2019 оны 5-р сарын 03 -нд

Хурдан морины уралдаанд хамгийн чухал асуудал бол хүүхэд, морь хоёроо элдэв барцадаас хамгаалах явдал мөн.

Хурдан морийг 8-15 хүртэлх насны хүүхдүүд ихэвчлэн унадаг билээ. Иймд эдгээр насны хүүхдүүдийн энэ жилийн нурууг үзэж тохиолдох барцад саадад нь хариулга засал хийх шаардлагатай.

Хурдан морины шүтээн Дамдин бурхнаа залан шүтэж, уралдааны морины сангуудаа тавина.

Морь уралдуулах сан: Арц, хүж, цагаан зандан тэргүүтэн үнэртэн, архи, сүү бэлтгэж, сан тавигч хүн УМАА ХУМ хэмээн гурван удаа уншиж үнэртнээ асааж архи, сүүгээр гурван цавдана. Дараа нь сан тавигч хүн өөрийгөө Би нэгэн агшнаа улаан өнгийн лагшинтай, нэг  тэргүүнтэй хоёр мутрынхаа баруунд нь Сэндэн бэрээ барьж, зүүн мутраа зүрхэндээ байрлуулж заалтын харууны /долоовор/ үзүүрт гал бадруулж, үхээрийн хохимой толгой ба хүчит найман зэвсгээр биеэ чимж, бүжиглэх дүр төрхөөр цог төгөлдөр бөгөөд догшин Дамдин бурхан болж наран сарны гэрэл цацруулсан морин суурь дээр билиг билгүүний дүрэлзсэн галын дунд оршиж байна хэмээн бодож “Умаа хэрэ бадма горда хаян хярваа хүүлүү хүүлүү хум пад” хэмээн 21 удаа уншиж арц хүж утлагаараа уралдах морио ариулан утна.

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна