Симба бор

Сэтгүүлч
2019 оны 4-р сарын 24 -нд

Уяачдын хамгийн ихээр хүсэн хүлээдэг уралдаануудын нэг нь “Дүнжингаравын хурд”. Хаврын улсын наадам ч гэгддэг энэхүү уралдаанд түрүүлж, айрагдсан морьд тухайн жилээ дээгүүр давхидаг тул уяачид чансааг нь тогтоохоор тийнхүү догдолдог биз ээ. Жишээлбэл, 2009 оны “Дүнжингаравын хурд”-д айрагдан амжилтын гараагаа эхэлсэн Тод манлай уяач Ц.Батсайханы бор морь тэр зунаа улсын бүсийн уралдаанд нэг түрүүлж, нэг аман хүзүүдэн эзэн уяачаа баясгаж байсан юм. Ганцхан жилийн дотор улсын бүсийн уралдаанд нэг түрүүлж, хоёр айрагдсан энэхүү бор морь бол Сүхбаатар аймгийн Асгат сумын харьяат, аймгийн Алдарт уяач Д.Бор-Ухнайн адуу. Хавчиг жилээ хаврын уралдаанд аман хүзүүдсэн битүү шахуу морийг “Одкон холдинг”-ийн захирал Мөнхбат авч, тухайн үед Хүнс Хөдөө Аж Ахуйн Яамны сайд байсан Т.Бадамжунайд өгсөн бол тун удалгүй Ц.Батсайхан Тод манлайд очжээ. 

Удам угшил:
Эцэг: Буган халтар азарга
Эх: Ж.Ганбаатарын буурал морины төрсөн дүүгээс гарсан борогч гүү.

Амжилтын товчоон:
2009 онд 
- “Дүнжингаравын хурд” хаврын бүсийн уралдаанд айргийн тав
- “Сэлэнгэ-2009” бүсийн уралдаанд түрүү
- Ламын Гэгээн Лувсанданзанжанцаны мэлмий гийсний 370 жилийн ой, хангайн бүсийн уралдаанд аман хүзүү
2010 онд:
- “Дүнжингаравын хурд” хаврын бүсийн уралдаанд айргийн дөрөв
2012 онд:
- Өмнөговь аймагт болсон хаврын бүсийн уралдаанд айргийн тав

А.Тэлмэн

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна