Д.Хишигжаргалын хээр

Булган аймгийн Гурванбулаг сумын уугуул, Монгол Улсын Тод манлай уяач Дамбын Хишигжаргалын хурдан хээр морийг уншигч  танаа танилцуулахаар бэлтгэлээ. Хязаалан цагаас цоорсон энэ хурдан хүлэг Сүхбаатар аймгийн Асгат сумын харьяат, аймгийн Алдарт уяач Дамдинсүрэнгийн Чулуунбаатарын унаган адуу юм. 2005 онд хязааландаа Сүхбаатар аймгийн баяр наадам болон Асгат сумынхаа түүхт 80 жилийн ойд тус тус түрүүлэн 2006 оны хавар Д.Хишигжаргалд 15 сая төгрөгөөр зарагдаж байжээ. Ингээд хурдан хээрийн удам угшил, амжилтын товчооныг танилцуулъя. 

Удам угшил:
Эцэг: Асгат сумын нэрт уяач Батын Лхамсүрэнгийн хурдан хар азарга, хонгор гүүний төл хонгор азарга. Энэ хонгор азарганы долоон төл бүс, аймаг, сумын наадамд түрүүлж, айрагдсан байдаг. 
Эх: Цэндийн Сүрэнээгийн адууны хээр гүү.

Амжилтын товчоон:

2004 шүдлэн:
Асгат сумын баяр наадамд зургаа
Алтан овооны тахилгад 10 гаргаж давхисан
2005 онд хязаалан:
Сүхбаатар аймгийн баяр наадамд түрүү 
Асгат сумын 80 жилийн ойн баяр наадамд түрүү
2006 онд соёолон:
АХ-ын 85 жилийн ой, үндэсний их баяр цэнгэл наадамд долоо
Эрдэнэт хотын 30 жилийн ой, төвийн бүсийн уралдаанд аман хүзүү
Хэнтийн хөдөө аралын их цэнгэл зүүн бүсийн уралдаанд айргийн дөрөв
2009 онд наймтай: 
Дорнодод болсон зүүн бүсийн уралдаанд айргийн гурав

А.Тэлмэн

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна