ММСУХ адуун өв соёлыг дэлгэрүүлэхэд анхаарч ажиллана

Саяхан XVII их хурлаа амжилттай зохион байгуулж, шинэ удирдлага, бүтэц зохион байгуулалттайгаар ажиллах болсон ММСУХ-ны цаашид барих бодлого, хэрэгжүүлэх үйл ажиллагааг уяачид болоод моринд дуртай хүн болгон анхаарал хандуулан хүлээж байгаа нь эргэлзээгүй.  Тэгвэл манай сэтгүүлийн редакцид ирсэн мэдээллээр ирэх дөрвөн жилд ММСУХ-ноос зөвхөн морин уралдаан зохион байгуулах, цол олгоход дээшээ өргөн барих төдийгөөр бодлого, үйл ажиллагаагаа хязгаарлахгүй, морин уралдаантай холбоотой адуун өв соёл, уламжлал ёс заншлаа сэргээх, хадгалж хамгаалах, хойч үедээ өвлүүлэх, дэлхийд сурталчлах талаар бүхий л үйл ажиллагаагаа чиглүүлэн ажиллах гэнэ. Энэхүү бодлого, үйл ажиллагаагаа хэрэгжүүлэхийн тулд төрийн болон төрийн бус 30 гаруй байгууллагуудтай нягт хамтран ажиллах ажээ. Мөн адуун өв соёлыг дэлгэрүүлэх  бодлого,  зорилго, “морины” гэдэг тодотголтой бүхий л ТББ-уудын үйл ажиллагааг дэмжиж хамтран ажиллах юм байна.

Д.Ирмүүн

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.