Цойлж гарсан Х.Цогнойжамцын хул

2004 он. Өвөрхангай аймгийн Хархорин сумнаа болсон шигшмэл морьдын “Их хурд-3” уралдаан үндсэндээ Асгат сумынхных болов. Азарганы уралдаанд П.Дамдинжавын унаган Б.Жаргалсайханы Даатгал хээр аман хүзүүдэж, Д.Баяраагийн унаган Тод манлай уяач Д.Цэрэгжигмэдийн Асгат саарал айргийн тавд хурдалсан бол их насны морьдын уралдаанд Д.Цэвэгжавын Буган хээр аман хүзүүдэж, М.Ооёогийн унаган Х.Цогнойжамцын хул айргийн тавд хурдалжээ. Ийнхүү Асгатчууд монголын морины их олимпоос дөрвөн айраг хүртэн нутаг адуу хурдан гэдгээ бахдалтайгаар батлан харуулсан. Бид энэ удаа их насанд айргийн таваар хурдалсан Налайх дүүргийн уяач Х.Цогнойжамцын хул морийг  танилцуулж байна.

УДАМ, УГШИЛ

Эцэг: П.Цэнджавын Асгат сумын наадамд айрагдсан хээр азарга

Эх: Сүхбаатар сумын нэрт уяач хөнхөр Жамъянгийн шаргал халзан азарга, бензин хэмээх Жигжидийн хонгор гүүний төл хонгор гүү.

Амжилтын товчоон:

2001 онд соёолон:

- Асгат сумын МСУХ-ны нэрэмжит уралдаанд 10

- Асгат суманд болсон бэсрэг уралдаанд найм

- Асгат сумын баяр наадамд айргийн тав

- Гандангийн таван жилийн ойд айрагдсан

2002 онд хавчиг:

- Асгат сумын баяр наадамд түрүү

2003 онд долоотой:

- Асгат сумын баяр наадамд түрүү

2004 онд наймтай:

- Шигшмэл морьдын “Их хурд-3” уралдаанд  айргийн тав

2007 онд 11 настай:

- АХ-ын 86 жилийн ой, үндэсний их баяр цэнгэл наадамд айргийн тав

“Тод магнай” сэтгүүлийн 102 дугаараас...

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна