Манлай уяачид туршлагаасаа хуваалцана

Сэтгүүлч
2019 оны 3-р сарын 18 -нд

Дундговь аймгийн харьяат Монгол улсын Манлай уяач Гүрбазарын Батчулууныг их насны морьдын уяа сойлго тааруулах, эмгэг согог хатгаж засахдаа гаргууд гэдгийг энэ салбарынхан андахгүй. Тиймээс ч орон нутгийн МСУХ-ны хүсэлтээр өөрийн сурсан мэдсэнээ хөдөөгийн уяачидтай хуваалцах болсоор багагүй хугацаа өнгөрсөн. Өмнө нь нэлээд хэдэн аймаг, сумдаар тойрч байсан Манлай энэ удаа Булган аймгийн МСУХ-ны урилгаар хэд хэдэн сумдын уяачидтай уулзаж, хурдан морины уяа сойлго, эмгэг согогийг засах, хатгах талаар арга туршлагаасаа хуваалцаж яваа сурагтай. 

Харин түүний дараагийн үдлэх газар Хөвсгөл аймгийн Цэцэрлэг сум байх нь. Тус сумын МСУХ-ны тэргүүн М.Пүрэвдорж уяачдадаа зөвлөгөө өгүүлэхээр Батчулуун Манлай болон Дорнод аймгийн Матад сумын харьяат, Монгол Улсын Манлай уяач Бат-Очирын Цэндбаатарыг уриад байгаа аж. Ийнхүү хоёр Манлай Цэцэрлэгийн уяачдад сурсан мэдсэнээ хуваалцах нь ээ.

2 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.