Энэ зун есөн том уралдаан болно

Сэтгүүлч
2019 оны 3-р сарын 15 -нд

Он гарсаар Засгийн газрын тогтоолоор хоригдсон хаврын уралдаан болоогүй ч ирэх зун олон уралдаан зохион байгуулагдах аниртай байна. ММСУХ-ноос Засгийн газарт өргөн барьсан бүсийн уралдааны тов хараахан батлагдаагүй байгаа ч холбооны зүгээс өргөн мэдүүлсэн тус саналд зуны бүсийн зургаан уралдаан, шигшмэл морьдын “Их хурд-8” уралдаан зохион байгуулах талаар тусгагджээ. Гурван жил тутам зохион байгуулагддаг Их хурд уралдаан 07 дугаар сарын 21-нд Хүйн долоон худагт зохион байгуулагдах бол Зуны бүсийн уралдаан 07 дугаар сарын 27, 28-ны өдрүүдэд Баян-Өлгий, Хөвсгөл, Баянхонгор, Өмнөговь, Дорнод, Говьсүмбэр аймгуудад болох бололтой. Мөн Монголын уяачийн өдөрт зориулсан уламжлалт уралдаан 08 дугаар сарын 9-нд болох гэнэ. Ийнхүү энэ онд АХ-ын ой, үндэсний их баяр наадмын уралдаантай нийлээд арван том уралдаан болох нь ээ. 

Д.Энхтуяа

7 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.