Зандан хүрэн азарга

“Макс” группын Ерөнхий захирал Дагвадоржийн Цэрэнжигмэд Асгат сумын адуугаар наадаж Тод манлай уяач хэмээх эрхэм цолонд хүрсэн гээд хэлчихвэл ташаа болохгүй биз ээ. Төрийн наадамд хоёр түрүүлж, нэг айрагдсан Асгат саарал, төрийн зарлигт наадамд нэг түрүүлж, нэг айрагдсан Зандан хүрэн, шүдлэндээ Архангай аймгийн 80 жилийн ой, хангайн бүсийн уралдаанд түрүүлсэн шарга зэрэг азарганууд, Их Монгол Улс байгуулагдсаны 800 жилийн ойгоор түрүүлж ирээд хасагдсан Асгат хээр морь гэхчилэн хөвөрнө. Бид энэ удаа төрийн зарлигт наадмаас нэг түрүү, нэг айраг хүртсэн  Сүхбаатар аймгийн Асгат сумын харьяат Дугарын Сүхээгийн унаган Зандан хүрэн азаргыг танилцуулж байна.


Удам, угшил:

Эцэг: Сүхбаатарын битүү хүрэн азарга. Энэ хүрэн азарганы эцэг Цогбаярын хүрэн халзан азарга нь Асгат сумын баяр наадамд дөрөв аман хүзүүдэж, хоёр айрагдаж байсан бол түүний эцэг болох Мөнхсайханы шаргал азарга сумынхаа наадамд хоёр айрагдаж байсан юм. Өөрөөр хэлбэл Сүхбаатарын хүрэн азарга уягдаж байгаагүй ч удам сайт адуу билээ. 

Эх: Олноо Чанга хэмээн алдаршсан Рэнцэнгийн Асгат сумын баяр наадамд гурав түрүүлж, гурав айрагдсан хүрэн азарганы төл өндөр хүрэн гүү.

Амжилтын товчоон:

2001 онд хязаалан:

- Асгат сумын баяр наадамд айргийн дөрөв

2002 онд соёолон:

- Сайд Жигжиджавын нэрэмжит хаврын уралдаанд айргийн дөрөв

2003 онд хавчиг:

- АХ-ын 82 жилийн ой, үндэсний их баяр цэнгэл наадамд зургаа

- Архангай аймаг байгуулагдсаны 80 жилийн ойд түрүү

2004 онд долоотой:

- АХ-ын 82 жилийн ой, үндэсний их баяр цэнгэл наадамд айргийн гурав

Зандан хүрэн азарганы гал төл Д.Цэрэнжигмэдийн Ембүү хээр морь улсын наадам болон бүсийн наадмуудад айрагдсан төрд данстай хүлэг юм.

Тод магнай сэтгүүлийн №102

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна