Морины олимпод манлайлагч Буган хээр

Асгатчууд уг нь шигшмэл морьдын “Их хурд” уралдаанд их насны морь түрүүлгэсэн улс. Учир юун хэмээвээс 2004 оны гурав дугаар уралдаанд Дамбын Цэвэгжавын хээр морь аман хүзүүнд баригдсан ч түрүүлсэн Эрдэнэгэрэлийн халзан Барга адуу байсныг уншигчид мэдэх бизээ. Монголын шигшмэл хурдан морьдын хэмээн тодотгогддог энэ уралдаанд монгол адуу л уралдах ёстой хэмээн үзвээс хээр морь гарцаагүй түрүүлсэн юм. Нас бие гүйцсэн хойноо уягдаж, унаган эзэн, уясан уяачийнхаа магнайг тэнийлгэсэн энэ хүлгийн, амжилт алдрын товчооныг танилцуулбал:

Удам, угшил:

Эцэг:Халзан сумын харьяат, аймгийн Алдарт уяач Сэрээтэрийн Жамъяншаравын Сүхбаатар аймгийн баяр наадамд нэг айрагдсан хар ногоон азарга

Эх:Сүхбаатар сумын харьяат “дэнхэр” Жигжидийн адууны гурван хөл жороо буган гүү

Амжилтын товчоон:

2003 онд найман настай

“Ганга импекс” компанийн таван жилийн ойд аман хүзүү

Дарьганга сумын баяр наадамд аман хүзүү

2004 онд есөн настай

Асгат сумын баяр наадамд түрүү

Шигшмэл морьдын “Их хурд-3” уралдаанд аман хүзүү

Алтан овооны төрийн тахилга зүүн бүсийн уралдаанд долоо

2005 онд арван настай

АХ-84 жилийн ой үндэсний их баяр цэнгэл наадамд 11

2006 онд 11 настай

АХ-84 жилийн ой үндэсний их баяр цэнгэл наадамд айрагдсан ч тооцогдоогүй
Д.Энхтуяа